Қозоғистон АҚШга уран экспортини оширади
Дунёдаги энг йирик уран қазиб олувчи Қозоғистон АҚШнинг энергетика компанияларига ушбу металл экспортини кўпайтириш бўйича "фаол ишламоқда". Бу ҳақда Bloomberg хабар бермоқда.
Мамлакат Энергетика вазирлиги сешанба куни АҚШ сенатори Стив
Дэйнс билан бўлиб
ўтган учрашувда энергетика соҳасидаги ҳамкорлик муҳокама қилинганини маълум
қилди. Вазирлик маълумотларига кўра, мамлакат аллақачон Southern Co,
Constellation Energy Corp. ва
Duke Energy Corp каби компаниялар
билан 2032 йилгача уран маҳсулотларини етказиб бериш бўйича шартномалар тузган.
Бутунжаҳон ядровий ассоциацияси маълумотларига кўра,
Қозоғистон жаҳон уран заҳираларининг 12 фоизига эга ва 2022 йилда 21 минг
тоннага яқин уран ишлаб чиқарган, бу ўша йили жаҳон ишлаб чиқаришининг 43
фоизини ташкил қилган.
Дунё
бўйлаб ҳукуматлар иқлим ўзгариши сиёсатининг бир қисми сифатида атом
энергетикасига мурожаат қилаётгани
сабабли ушбу
радиоактив металга бўлган талаб ортмоқда.
Бундан ташқари, АҚШ Россиядан ядровий реакторлар ва қуролларни ёқилғи билан таъминлашда
фойдаланиладиган бойитилган уранни импорт қилишни тақиқламоқчи.
Мавзуга алоқадор
-
Қирғизистон уран ва торий конларини қидириш ва ўзлаштиришга қўйилган тақиқни бекор қилишни таклиф қилмоқда. Тақиқ 2019 йил декабрида “уран можароси”дан кейин жорий қилинган эди.
-
Қозоғистон Қатар бозорига ҳалол ва органик қишлоқ хўжалиги маҳсулотларини етказиб беришга тайёрлигини билдирди. Шунингдек, икки давлат ўртасида 17,6 млрд долларлик йирик ва стратегик аҳамиятга эга инвестиция лойиҳалар амалга оширилиши маълум қилинди.
