Исроил томонидан Ғазо секторида қатлиом бошланганига 123 кун бўлди. Ўтган куннинг асосий воқеалари дайжести.
Ишғол остидаги Қуддусда фанатик яҳудий кўчманчилар насроний руҳонийларга ҳам тез‑тез ҳужум уюштирмоқда. Исроил ҳукумати ҳужумчиларни жазолаш масаласига жиддий қарамаганликда айбланмоқда.
Япониянинг Itochu компанияси Ғазодаги уруш сабабли Исроилнинг Elbit мудофаа ширкати билан ҳарбий соҳадаги ҳамкорликни тўхтатади. “Itochu ўтган ой Халқаро суд Исроилга фаластинликларга қарши геноцид ҳаракатларининг олдини олиш ва тинч аҳолига кўпроқ ёрдам беришни топширганидан кейин ҳамкорликни тугатишни режалаштирмоқда”, ‑ деди компания молиявий директори.
Сингапур Ислом диний кенгаши сунъий гўштни ҳалол деб тан олди ва агар улар ҳалол стандартларига мувофиқ ишлаб чиқарилган бўлса, мусулмонларга бу маҳсулотларни истеъмол қилишга рухсат берувчи фатвони чиқарди.
Техас губернатори Грег Эбботт ва 14 штатнинг республикачи губернаторлари қўшма матбуот анжумани ташкил қилиб, чегарадаги вазият бўйича Байденга қарши умумий позицияга эга эканликларини билдиришди.
Салвадорнинг амалдаги президенти Найиб Букеле душанба куни бўлиб ўтган сайловлардаги ғалабасини эълон қилди. У сайловчиларнинг 85 фоиздан зиёд овозини тўплади. Найиб Букеле асли келиб чиқиши фаластинлик. Отаси Армандо (Аҳмад) Букеле Каттан имом ва тадбиркор бўлиб, мамлакат сиёсий ҳаётида фаол иштирок этган.
Исроилнинг ўта ўнгчи миллий хавфсизлик вазири Итамар Бен-Гвир АҚШ президенти Жо Байден маъмуриятини Исроилнинг ҳарбий ҳаракатларига зарар етказаётганликда айблади. У бу йилги сайловларда Дональд Трамп ғалаба қозонса, АҚШ Исроилга ҲАМАСни йўқ қилиш учун кўпроқ эркинлик беришини билдирди.
Исроил томонидан Ғазо секторида қатлиом бошланганига 122 кун бўлди. Ўтган куннинг асосий воқеалари дайжести.
Исроил мудофаа вазири Йоав Галлант Тел-Авивнинг Ҳизбуллоҳ ҳаракати билан боғлиқ муаммони дипломатик йўллар билан ҳал қилишга тайёрлигини маълум қилди. Аввалроқ унинг ўзи Ғазода сулҳ тузилган тақдирда ҳам Ҳизбуллоҳ билан уруш давом этишини билдирганди.
Январь ойида Покистоннинг Панжоб провинциясида 19,5 мингдан ортиқ пневмония ҳолати аниқланиб, 311 бола касаллик туфайли вафот этди. Ҳукумат бунга ҳаво ифлосланиши, чанг ва совуқ об‑ҳаво сабаб бўлаётганини маълум қилди.