Itochu компанияси Ғазодаги уруш сабабли Исроил ширкати билан ҳамкорликни тўхтатади

Япониянинг Itochu компанияси февраль ойидан Ғазодаги уруш сабабли Исроилнинг Elbit Systems Ltd мудофаа ширкати билан ҳарбий соҳадаги ҳамкорликни тўхтатади. Бу ҳақда компания молиявий директори Цуёши Хачимура маълум қилди, дея хабар бермоқда The Economic Times нашри.

“Itochu ўтган ой Халқаро суд Исроилга фаластинликларга қарши геноцид ҳаракатларининг олдини олиш ва тинч аҳолига кўпроқ ёрдам беришни топширганидан кейин ҳамкорликни тугатишни режалаштирмоқда”, ‑ деди у.

“Халқаро Суднинг 26 январдаги буйруғини ва Япония ҳукумати суднинг ролини қўллаб-қувватлашини инобатга олиб, биз Меморандум билан боғлиқ янги фаолиятни аллақачон тўхтатиб қўйганмиз ва Меморандумни февраль ойи охиригача тугатишни режалаштирмоқдамиз”, - дея қўшимча қилди Цуёши Хачимура.

Itochu Aviation, Elbit Systems ва Nippon Aircraft Supply (NAS) 2023 йил март ойида, уруш бошланишидан етти ой олдин стратегик ҳамкорлик тўғрисидаги меморандумни имзолаган эди.

“Исроил билан боғлиқ бизнесга келсак, Itochu кичик финтех инвестицияларига ва автомобиль сотиш бизнесига эга, аммо у қарзни ундириш ёки бошқа муаммолар билан боғлиқ муаммоларга дуч келмайди”, ‑ деди Хачимура.