Бомбалар остидаги Ғазо: 122‑куннинг асосий воқеалари

Исроил томонидан Ғазо секторида қатлиом бошланганига 122 кун бўлди. Ўтган куннинг асосий воқеалари дайжести.

▪  24 соат давомида Исроил босқинчилари томонидан 14 та оммавий қотиллик уюштирилиб, улар натижасида 127 киши ҳалок бўлди, 178 киши жароҳатланди.

▪ Уруш бошланганидан буён 27365 фаластинлик ҳаётдан кўз юмди, 66630 нафари яраланди.

▪ Шифа касалхонаси ҳудудида шифокорлар, беморлар ва кўчирилганлар босқинчилар қамалида қолмоқда. Охирги 2 кун ичида ишғолчи снайперлар шифохона яқинида 7 кишини ўлдирган.

▪ Ҳусийлар Америка-Британия кучлари Ҳодаида ва Саадага 11 марта рейд уюштирганини маълум қилди.

▪ Ғарбий Соҳилда босқинчилар Наблус, Хеврон, Женин, Рамаллаҳ, Тулкармга бостириб кирди, 11 нафар фаластинлик ҳибсга олинди.

▪ Фаластинлик маҳбуслар клуби: ишғолчи кучлар Ғарбий Соҳилда 14 нафар фаластинликни ҳибсга олди, натижада 7 октябрдан буён ҳибсга олинганлар сони 6512 кишига етди.

▪ Европа Иттифоқи департаменти раҳбари Хосеп Борпел UNRWA молиялаштиришни тўхтатиш фаластинликларни жамоавий жазолаш эканини маълум қилди.

▪ Босқинчи армияси Харел бригадасининг 924-муҳандис батальонидан Шимон Ехошуа Асулин эксклав жанубидаги жангларда ҳалок бўлганини маълум қилди. Шундай қилиб, 2023 йилнинг 7 октябрь куни Исроилнинг Ғазо секторига ҳужумлари бошланганидан бери ҳалок бўлган исроиллик қўшинлар сони 562 нафарга, жумладан, эксклавдаги қуруқликдан ҳужумда 225 нафарга етди.