2011 йилдаги тартибсизликлардан буён тинчликка эриша олмаётган Ливиянинг уч асосий етакчиси Араб давлатлари лигаси бош котиби таклифи билан Миср пойтахтида учрашди. Улар биргаликдаги баёнотида “баҳсли масалаларни кўриб чиқиш учун” техник қўмита ташкил этиш ва қўшма янги қўшма ҳукумат тузишга розиликларини билдирди.
Америкалик таниқли фаол, ёзувчи ва собиқ пастор Шон Кинг Рамазон ойининг биринчи куни турмуш ўртоғи билан биргаликда шаҳодат калимасини келтириб, мусулмон бўлишганини эълон қилди.
Россия ТИВ расмий вакили Франциянинг Молдовада мудофаа миссиясини очиши ва Жанубий Кавказдаги ҳаракатларини фаоллаштирганига муносабат билдирар экан, буларни Парижнинг Африкадаги муваффақиятсизликлари ўрнини қопламоқчилиги билан боғлади.
Исроил бош вазири Беньямин Нетаняху айрим араб етакчилари уни қўллаб-қувватлашини тан олиб, улар Рафаҳга ҳужумни ҳам маъқуллашларини таъкидлади. "Улар буни [Рафаҳга ҳужумни] тушунишади ва ҳатто жимгина рози бўлишади", деди у.
Британия ҳукумати “айрим антимусулмон кучларнинг кескинликни келтириб чиқаришига йўл қўймаслик учун” британиялик мусулмонларни ҳимоя қилишга 4 йил давомида 117 миллион фунт стерлинг (тахминан 150 миллион доллар) ажратишга қарор қилди. Янги маблағ масжидлар, мусулмон диний мактаблари ва бошқа жамоат марказларини қўллаб-қувватлашга сарфланади.
Исроил Ғазо секторида босқинчилик урушини бошлаганига 157 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар дайжести.
Исроилда Сефардлар бош раввини Изҳак Ёсеф ультра-ортодокс яҳудийлар учун мажбурий ҳарбий хизмат жорий этилса, мамлакатни тарк этиш билан таҳдид қилди. Мухолифат эса уни мамлакат хавфсизлигига зарар етказганликда айблади.
АҚШнинг Нью-Йорк шаҳри тимсолларидан ҳисобланган Таймс-скверда таровеҳ намози ўқилди. Намоздан сўнг мусулмонлар Ғазо учун дуо қилишди.
Ижтимоий тармоқларда АҚШ Ғазо секторига ташлаган гуманитар ёрдамда муддати ўтган ва таркибида чўчқа гўшти бўлган армия паёги акс этган видео пайдо бўлди. Аввалроқ АҚШ ҳаводан ташлаган гуманитар юклар парашюти очилмасдан, фаластинликлар устига тушган, натижада камида 5 киши ҳалок бўлган эди.
Бангладеш, Миср, Индонезия, Эрон, Малайзия, Нигерия, Покистон ва Туркияни бирлаштирган “Ислом саккизлиги” (D-8) ташкилотининг ягона пул бирлигини ташкил этиш таклиф қилинди. Шунингдек, D-8 га аъзо давлатлар ўртасидаги товар айирбошлаш ҳажмини 2030 йилга бориб ҳозирги 146 млрд доллардан 500 млрд долларга оширишга қарор қилинди.