Нетаняху айрим араб етакчилари уни қўллаб-қувватлаётганини тан олди
Исроил бош вазири Беньямин Нетаняху яқинда АҚШ президенти Рафаҳни “қизил чизиқ” деб атаганига қарамай, Ғазо секторининг жанубий чегарасидаги Рафаҳ шаҳрига босқинни давом эттириш ниятида эканини айтди.
“Биз у ерга
борамиз. Биласизми, менда қизил чизиқ бор. Қизил чизиқ нима эканлигини
биласизми? Бу 7 октябрнинг
бошқа такрорланмаслиги.
Бу бошқа ҳеч қачон содир бўлмайди”, - дея
жавоб берди Нетаняху.
Исроил бош вазири исмларини аниқ тилга олмаган ҳолда бир
қанча араб етакчиларининг уни
қўллаб-қувватлашини, улар қамал остидаги Фаластиннинг Рафаҳ шаҳрига
ҳужумни ҳам сўзсиз
дастаклашини қўшимча қилди.
"Улар буни тушунишади ва ҳатто жимгина рози бўлишади, - деди у Axel Springer нашри билан суҳбатда. - Улар ҲАМАС Эрон террорчилик ўқининг бир
қисми эканлигини тушунишади”.
Эслатиб
ўтамиз, аввалроқ АҚШ президенти Жо Байден Рафаҳни “қизил чизиқ” деб атаб, у
ерда можаронинг кучайишига қарши экани ва Ғазо секторида 30 мингдан зиёд
фаластинликнинг ўлимини қабул қила олмаслигини таъкидлаган эди.
.png)
Мавзуга алоқадор
-
Исроил ҳаво, қуруқлик ва денгиздан туриб Ғазонинг Миср билан чегарасидаги Рафаҳ шаҳрига уюштирган ҳужумларида 100 дан ортиқ кишининг ҳалок бўлгани, юзлаб кишининг яралангани маълум қилинди.
-
АҚШ президенти Жо Байден Исроилнинг 1,3 миллиондан ортиқ фаластинликлар бошпана топган Ғазонинг Рафаҳ шаҳрига эҳтимолий бостириб кириши унинг “қизил чизиғи” эканини, бироқ ушбу давлатга қурол-яроғ етказиб беришни тўхтатмоқчи эмаслигини таъкидлади.
