"Ислом саккизлиги"нинг ягона пул бирлигини жорий этиш таклиф қилинди
Бангладеш бош вазири Шайх Ҳасина мусулмон давлатлари савдо операцияларини осонлаштириш учун Европа Иттифоқи евро каби умумий валютани жорий этишни таклиф қилди. Бу ҳақда у Бангладеш, Миср, Индонезия, Эрон, Малайзия, Нигерия, Покистон ва Туркияни бирлаштирган саккизлик (D-8) мамлакатлари Ислом гуруҳи йиғилишида маълум қилди, дея хабар бермоқда Business Standard нашри.
“D-8
дунёнинг саккиз мусулмон давлати иштирокида ўзаро савдо-сотиқни кенгайтириш,
шунингдек, ушбу мамлакатлар аҳолисининг ижтимоий-иқтисодий аҳволини яхшилаш учун
дўстликни мустаҳкамлаш мақсадида ташкил этилган. Ўртамиздаги савдо-сотиқни
осонлаштириш учун Европа Иттифоқи сингари умумий валютани жорий қилсак, жуда
яхши бўларди”, - деди Ҳасина D-8 савдо вазирлари делегацияси билан учрашувда.
Йиғилишнинг
асосий кун тартиби D-8га аъзо давлатлар ўртасида имтиёзли савдо келишувларини
амалга ошириш ва уларнинг самарадорлигини кенгайтиришдан иборат бўлди. Шу муносабат
билан Вазирлар кенгаши йиғилишида Дакка декларацияси қабул қилинди, унда D-8
мамлакатлари ўртасида икки томонлама ва кўп томонлама савдони рағбатлантириш
тўғрисида қарор қабул қилинди
“Мен оддий одамларнинг аҳволи ва ижтимоий-иқтисодий
ривожланишини яхшилашга интиламан. Бу фақат ўртамиздаги савдо ва савдони
кенгайтира олсаккина рўёбга
чиқиши мумкин. D-8 давлатлари савдо-сотиқ
соҳасида бир оила бўлиб ҳамкорлик қилиши ва бир-бирига техник ёрдам кўрсатиши
керак”, - деди бош
вазир.
Нашрнинг ёзишича, делегация йиғилишда D-8га аъзо давлатлар
ўртасидаги товар айирбошлаш ҳажмини 2030 йилга бориб ҳозирги 146 млрд доллардан 500 млрд долларга оширишга
қарор қилинганини билдирилди.
“Ислом
саккизлиги” 1997 йил 15 июнда Туркиянинг собиқ бош вазири Нажмиддин Эрбақон ташаббуси билан ташкил
этилган.
.png)
Мавзуга алоқадор
-
Мадриднинг «Реал» клуби ва Германия терма жамоаси ҳимоячиси Антонио Рюдигер ижтимоий тармоқда обуначиларини Рамазон ойи билан табриклаб, шаҳодат бармоғини юқорига қаратиб тушган расмини эълон қилди. Унинг бу ишорасини журналист Жулиан Рейхелт террор ташкилоти алоқаси белгиси деб ҳисоблади. Футболчи журналистни судга берди.
-
6 апрелга ўтар кечаси Россия қўшинлари Украинага 32 та ҳужумчи учувчисиз учоқлар, шунингдек, турли кўринишдаги олтита ракета билан ҳужум қилди. Натижада Харьков ва Запарожье вилоятларида турар-жой бинолари, ижтимоий объектлар ҳамда юк ва енгил автомобиллар зарар кўрди, 6 киши ҳалок бўлди, 11 киши яраланди.
