Eronda 2022 yilda 22 yoshli Mahsa Amini politsiya boʻlimida oʻldirilgani ortidan mamlakatni qamrab olgan namoyishlar ishtirokchisiga nisbatan oʻlim jazosi ijro etildi. 24 yoshli Muhammad Qubadlu Tehronda bir kishining oʻlimi va besh nafar huquq-tartibot organi xodimini jarohatlaganlikda aybdor deb topildi.

Eron janubi-sharqidagi Siston va Balujiston viloyatida nomaʻʻlum shaxslar tomonidan uyushtirilgan qurolli hujum natijasida 9 kishi halok boʻldi. Qurbonlarning barchasi xorij fuqarolari ekani maʻʻlum qilindi.

Isroil-HAMAS mojarosi tufayli bugun falastinliklarning shafqatsizlarcha qirilayotgani, yosh goʻdaklar, keksalar va ayollarning genotsidga uchrayotgani Yaqin Sharqdagi vaziyatni keskinlashtirib yubordi. Hatto ziddiyatga Livanning katta nufuzga ega boʻlgan “Hizbulloh” harakatining aralashib qolish ehtimolini yuzaga keltirdi. Toʻgʻri, hozircha Isroil va “Hizbulloh” oʻzaro jangi chegaradosh hududlarni oʻqqa tutish bilan chegaralangan. Ammo ziddiyat 2006 yil iyulidagi 34 kunlik, Isroilning magʻlubiyatiga olib kelgan urush kabi keng qamrovli harbiy harakatlarga olib kelmasligiga hech kim kafolat bermaydi. Azon Global sisiy tahlilchi Abduvali Soyibnazarovning bu boradagi mulohazalarini eʻʻtiboringizga havola etamiz.

Juma kuni ertalab Isroil tomonidan Damashq janubiga havo hujumi uyushtirilishi oqibatida uch kishi, jumladan Eron Inqilobiy gvardiyasi maslahatchisi Said Alidadiy halok boʻldi.

AQSh oʻz bazasiga uyushtirilgan hujumga javoban Iroq va Suriyadagi Eron Inqilobiy Gvardiyasi korpusi va unga aloqador harbiylashgan guruhlarga qarashli nishonlarga havodan zarbalar berishni boshladi.

Eronda “Charshamba Suri” anʻʻanaviy olov festivaliga tayyorgarlik boshlangan 20 fevraldan 12 martgacha 14 kishi halok boʻlgan, 3253 kishi jarohatlangan. Qayd etilishicha, yaradorlarning 189 nafari oyoq-qoʻllaridan ayrilgan, 981 nafari turli darajadagi kuyish jarohatlarini olgan. Baxtsiz hodisalarga asosan pirotexnika vositalarining sifatsizligi va ulardan foydalanish qoidalariga amal qilinmagani sabab boʻlgan.

Eronda eng qadimgi turkiy tillardan biri hisoblangan xalaj tili unda soʻzlashuvchilar soni kamayib borayotgani sababli yoʻq boʻlib ketish arafasida. Shu bois xalaj tili Eronning nomoddiy milliy meros roʻyxatiga kiritildi. Maʻʻlumotlarga koʻra, bugungi kunda 19 mingga yaqin kishi ushbu tilda soʻzlashadi.

Isroil harbiy samolyotlari Suriya poytaxtidagi Eron konsulligi binosiga raketa zarbasini berdi. Natijada besh kishi – diplomatlar va harbiy maslahatchilar, jumladan, Eron Islom inqilobi qoʻriqchilari korpusi generali Muhammad Rizo Zohidiy halok boʻldi. Bino toʻliq vayron boʻlgan.

Isroil Eronning Suriyadagi konsulxonasiga havo hujumini uyushtirib, bir qancha generallarini halok qilganidan soʻng rasmiy Tehron tez orada bunga munosib va shiddatli javob berishga vaʻʻda qildi. Isroil matbuoti 48 soat ichida Eron hududidan hujumlar boʻlish ehtimoli haqida xabar tarqatdi ham. Biroq Eron Isroilga qarshi urush ocha oladimi?

AQSh razvedkasi maʻʻlumotlariga koʻra, Eron Shahed uchuvchisiz uchoqlari va qanotli raketalardan foydalangan holda Isroilga qarshi javob qaytarishni rejalashtirmoqda. Qayd etilishicha, Eron taxminan 5-10 aprelʻ kunlari Isroilning mintaqa davlatlaridan biridagi elchixonasiga zarba beradi.