Eronda Charshamba Suri bayrami chogʻida 14 kishi halok boʻldi, minglab odamlar yaralandi
Eronda “Charshamba Suri” anʻʻanaviy olov festivaliga tayyorgarlik boshlangan 20 fevraldan 12 martgacha 14 kishi halok boʻlgan, 3253 kishi jarohatlangan. Qayd etilishicha, yaradorlarning 189 nafari oyoq-qoʻllaridan ayrilgan, 981 nafari turli darajadagi kuyish jarohatlarini olgan. Baxtsiz hodisalarga asosan pirotexnika vositalarining sifatsizligi va ulardan foydalanish qoidalariga amal qilinmagani sabab boʻlgan.
Eronda
“Charshamba Suri” anʻʻanaviy olov festivaliga (hijriy taqvim boʻyicha yangi yil
boshlanishidan oldingi oxirgi seshanba) tayyorgarlik jarayonida sodir boʻlgan baxtsiz
hodisalar natijasida 14 kishi halok boʻldi, 3253 kishi jarohatlandi.
Bayramlar Tehronda kechki soatlarda pirotexnika va qoʻlbola
portlovchi qurilmalardan foydalanish bilan boshlandi.
Eron poytaxti osmonini tom maʻʻnoda tuman qoplagan edi.
Deyarli barcha koʻchalarda feerverk va petardadan foydalanilgan.
Poytaxt aholisi istirohat bogʻlariga yigʻilib, gulxanlar ustidan
sakrab oʻtishdi (anʻʻanaviy olov festivali).
Shaharning barcha burchaklaridan gumburlashlar eshitildi. Bayramlar yarim tungacha
davom etdi.
Eronning “Mehr” axborot agentligi
xabariga koʻra, bayramga tayyorgarlik boshlangan 20 fevraldan 12 martgacha Charshamba
Suri bayrami munosabati bilan 14 kishi halok boʻlgan, 3253 kishi jarohatlangan.
Qayd etilishicha, yaradorlarning 189 nafari oyoq-qoʻllaridan
ayrilgan, 981 nafari turli darajadagi kuyishlar olgan.
Tehron oʻt oʻchirish xizmati vakili Jalol Melekiyning aytishicha,
12 mart soat 07.00 dan 22.30 gacha Xizmatga 6416 ta qoʻngʻiroq kelib tushgan, oʻt
oʻchiruvchilar 230 ta joyda ishlagan.
Eronda Yangi yil (Navroʻz) oldidan oxirgi seshanba kuni
anʻʻanaviy ravishda hamma joyda gulxanlar yoqiladi, ular ustidan asosan bolalar va
yoshlar sakrashadi. Salyutlar otilib, qoʻlbola portlovchi qurilmalar qoʻllaniladi.
Ushbu bayramlarga tayyorgarlik paytida sodir boʻladigan baxtsiz hodisalar har yili
oʻnlab eronliklarning hayotiga zomin boʻladi, yuzlab odamlar jarohatlanadi.
Eronda Navroʻz hijriy taqvim boʻyicha 21 martda nishonlanadi.
.png)
Mavzuga aloqador
-
Eron turizmni jonlantirish maqsadida 32 davlat bilan viza tartibini bir tomonlama bekor qilishga qaror qildi. Ular orasida Oʻzbekiston ham boʻlishi mumkin.
-
Eron mudofaa vaziri AQShning Qizil dengizdagi kemalarni himoya qilish uchun xalqaro guruh yaratish rejasini tanqid qilib, agar shunday qilinsa, jiddiy muammolarga uchrashini aytdi.
