Eron janubi-sharqidagi qurolli hujumda 9 kishi halok boʻldi
Eron janubi-sharqidagi Siston va Balujiston viloyatida nomaʻʻlum shaxslar tomonidan uyushtirilgan qurolli hujum natijasida 9 kishi halok boʻldi. Qurbonlarning barchasi xorij fuqarolari.
Eronning Mehr axborot agentligi xabariga koʻra, Pokiston bilan chegaradagi Seravon hududidagi uylardan biriga qurollangan shaxslar hujum qilgan.
Hozircha hech kim hujum uchun javobgarlikni oʻz zimmasiga olgani yoʻq. Xabarda boshqa maʻʻlumotlar keltirilmagan.
Eslatib oʻtamiz, 16 yanvarʻ kuni Eron Pokistonning Balujiston viloyatidagi bir qator obʻʻektlarga raketa zarbalari berdi va hujum nishoni “Jaysh al-Adl” guruhi ekanini aytdi. Pokiston rasmiylari hujumda ikki bola halok boʻlgan, yana uch qiz yaralanganini maʻʻlum qildi.
18 yanvarʻ kuni esa Pokiston Eronning Siston va Balujiston viloyati Saravon shahri yaqinidagi qishloqqa raketa va uchuvchisiz samolyotlar bilan zarba berib, baluj separatist guruhlari – Balujiston ozodlik armiyasi va Balujiston ozodlik frontiga hujum uyushtirayotganini eʻʻlon qildi.
Maʻʻlumot uchun, Pokistonning Balujiston viloyatida Pokistondagi beshinchi yirik etnik guruh boʻlmish balujlarning qator ayirmachi tashkilotlari bir necha oʻn yillardan beri faoliyat yuritib kelmoqda. Balujlar uchga boʻlingan xalq: ularning aksariyati, yaʻʻni 7 millionga yaqini Pokistonda, 2 millionga yaqini Eronda, yarim milliondan ortigʻi Afgʻonistonda yashaydi.
.png)
Mavzuga aloqador
-
Eron turizmni jonlantirish maqsadida 32 davlat bilan viza tartibini bir tomonlama bekor qilishga qaror qildi. Ular orasida Oʻzbekiston ham boʻlishi mumkin.
-
Eron mudofaa vaziri AQShning Qizil dengizdagi kemalarni himoya qilish uchun xalqaro guruh yaratish rejasini tanqid qilib, agar shunday qilinsa, jiddiy muammolarga uchrashini aytdi.
