Oʻzbekiston prezidenti Shavkat Mirziyoev 21 may kuni Eronning Toshkentdagi elchixonasiga tashrif buyurib, Ibrohim Raisiy va boshqalarning vafoti munosabati bilan hamdardlik bildirdi. Shavkat Mirziyoevga Oʻzbekiston bosh muftiysi Nuriddin Xoliqnazarov hamrohlik qildi.
Qosim-Jomart Toqaev Qozogʻiston va Oʻzbekistonning ittifoqchilik munosabatlari toʻgʻrisidagi shartnomani ratifikatsiya qilish toʻgʻrisidagi qonunni imzoladi. Hujjat siyosiy, savdo-iqtisodiy, tranzit-transport, energetika, fuqaro mudofaasi va boshqa sohalarda hamkorlikni kengaytirishga qaratilgan.
Islomiy banking toʻgʻrisidagi qonun loyihasi ishlab chiqildi, u joriy yilda parlamentga kiritiladi, dedi MB raisi oʻrinbosari Behzod Hamroev. Uning aytishicha, yaqin vaqt ichida mikromoliya tashkilotlarida islomiy moliyaviy xizmatlar toʻgʻrisidagi meʻʻyoriy hujjatlar ham qabul qilinishi kutilmoqda.
Isroil prezidenti Isaak Gertsog Xalqaro jinoiy sud (XJS) bosh prokurori Karim Xonning Isroil bosh vaziri Binyamin Netanyaxu va Mudofaa vaziri Yoav Gallantni hibsga olishga order berilgani haqidagi bayonotiga javob berdi. Gertsog Netanyaxu va Gallantga qarshi hibsga olish orderi eʻʻlon qilinishi "bir tomonlama siyosiy harakat" ekanligini aytdi.
Rublning qadrsizlanishi, siyosiy voqealar va yaqinda “Krokus” terakti tufayli Rossiyada ishlayotgan qirgʻizistonliklar soni deyarli ikki baravar kamaydi. Bu haqda Qirgʻiziston Mehnat, ijtimoiy himoya va migratsiya vazirligi huzuridagi Fuqarolarni xorijda ishga joylashtirish markazi bosh mutaxassisi Esenbek Ergeshov maʻʻlum qildi.
Oʻzbekiston Respublikasi Prezidenti Shavkat Mirziyoev Eron shimolida yuz bergan fojia oqibatida Eron Islom Respublikasi Prezidenti Ibrohim Raisiy va unga hamrohlik qilgan shaxslarning vafot etgani munosabati bilan ushbu mamlakat Oliy diniy rahbari oyatulloh Ali Xomaneiyga hamdardlik bildirdi.
AQSh Markaziy qoʻmondonligi yuk mashinalari AQSh tomonidan Gʻazo sektorida oʻrnatgan vaqtinchalik portdan gumanitar yordam etkazib berishni boshladi. Mashinalar mahalliy vaqt bilan soat 09:00da vaqtinchalik portdan chiqib ketgan.
Iosif Stalinning buyrugʻi bilan 1944 yil 18 mayda oʻn minglab qrim tatarlari oʻz vatanlaridan badargʻa qilindi. 15 daqiqa ichida 259 mingga yaqin qrim tatarlari, asosan, keksalar, ayollar va bolalar maydonga olib kirilib, hayvonlarni tashish uchun aravalarga oʻtqazildi. Gʻayriinsoniy sharoitda deportatsiya qilingan Qrim tatarlarining yarmi manziliga etib bormay, yoʻlda halok boʻldi.
13 may kuni Bishkekdagi yotoqxonalardan birida qirgʻizistonliklar va xorijliklar oʻrtasida mushtlashuv sodir boʻldi. 18 mayga oʻtar kechasi esa mazkur mushtlashuv ortidan 1 mingga yaqin odam ishtirokida norozilik namoyishi tashkillashtirildi. Toʻqnashuvlarda 29 kishi jarohatlandi. Pokiston bosh vaziri Qirgʻizistondagi pokistonlik talabalarda xavotirda ekanini maʻʻlum qildi.
AQSh Ichki ishlar departamenti xodimi Isroilning Gʻazodagi "genotsid" urushini soʻzsiz qoʻllab-quvvatlayotganiga norozilik sifatida omma oldida isteʻʻfoga chiqqan birinchi yahudiy amaldorga aylandi. “Prezident Baydenning Isroilning Gʻazodagi genotsidini halokatli va davomli qoʻllab-quvvatlashi fonida men endi vijdonan bu maʻʻmuriyat vakili boʻla olmayman”, dedi Lili Grinberg Koll.