Starbucks бойкотларга муносабат билдирар экан, "Бизнинг позициямиз аниқ. Биз инсоният билан биргамиз", деди.

Яқин Шарқдаги Starbucks ҳуқуқларига эга бўлган AlShaya Group Форс кўрфази гиганти Ғазодаги уруш билан боғлиқ истеъмолчи бойкотидан азият чекаётгани сабабли 2000 дан ортиқ иш ўринларини қисқартиришни режалаштирмоқда.

Американинг KFC тамаддихоналар тармоғи Исроилнинг Ғазо секторига уюштирган ҳужумларига жавобан бошланган бойкот ортидан Малайзиядаги 108 та филиалини вақтинча ёпди. Аввалроқ KFC реклама кампаниясида "Кечирасиз, бу ерда чодирлар йўқ, бармоғингизни ялайдиган яхши товуқлар бор" деган мазмундаги жумлани ишлатган эди. Бу сўзлар чодирларда яшаётган миллионлаб ғазодикларнинг устидан кулиш сифатида қабул қилинди. Mcdonald's ва Starbucks даромадлари ҳам пастлади.

Американинг Starbucks қаҳвахоналар тармоғининг глобал савдоси жорий йил июль-сентябрь ойларида 7 фоизга камайди, сотувлар кетма-кет учинчи чоракдан буён пасаймоқда. Шу билан бирга, ҳар бир акциядан тушган даромади ҳам ўтган йилнинг шу даврига нисбатан 25 фоизга камайган.