Starbucks глобал савдолардаги кескин тушиш ҳақида хабар берди

Starbucks қаҳвахоналар тармоғи 29 сентябрда якунланган 2024-молиявий йилнинг тўртинчи чораги учун дастлабки натижаларни эълон қилди.

Шундай қилиб, Starbucks’нинг ҳар бир акциядан тушган даромади ўтган йилнинг шу даврига нисбатан 25 фоизга камайди. Компаниянинг глобал таққосланадиган тармоқ савдоси ҳам 2024-молиявий йилда 2 фоизга камайган. Starbucks, шунингдек, компаниянинг юқори бошқарувидаги кутилмаган ўзгаришларни ҳисобга олган ҳолда, 2025 йилга мўлжалланган молиявий кўрсатмаларини бекор қилди.

Ҳисоботга киритилган Starbucks молиявий директори Рейчел Ружери инвестицияларнинг ўсиб бораётгани ҳам пасайиш жараёнига таъсир қилмаганини айтди.

Самарадорликни оширишга қаратилган саъй-ҳаракатлар режадагидек давом этган. Бироқ улар таназзул оқибатларини бартараф этиш учун етарли бўлмаган. Компания бизнесни жонлантириш режасини ишлаб чиқди, аммо бунинг учун вақт керак, деди у.

Starbucks натижаларига Исроилни қўллаб-қувватловчи халқаро компанияларга қарши бойкот салбий таъсир кўрсатди

Исроилнинг Ғазо секторига уюштирган ҳужумлари туфайли норозилик ва бойкот кампанияларига дуч келган компаниялардан бири Starbucks молиявий кўрсаткичлари охирги уч чоракда салбий тенденцияни кўрсатди.

Қаҳвахоналар тармоғи ўтган йилнинг октябрь-декабрь ойлари учун тўлиқ йиллик савдо прогнозини, қисман Яқин Шарқдаги дўконлардаги савдоларнинг салбий таъсири туфайли пасайтирди. Январь-март ойларида Starbucks даромади 2 фоизга, компаниянинг глобал сотуви ҳам 4 фоизга қисқарди, бу сўнгги тўрт йилдаги энг кескин пасайишдир. Starbucks, шунингдек, жорий йилнинг апрель-июнь ойларида глобал сотувлар 3 фоизга камайгани ҳақида хабар берди.

“Бойкот қилдим” манбаси маълумотларига кўра, Starbucks акцияларининг катта қисмига эгалик қилувчи Govard Shults компанияси Исроил иқтисодиёти ва хавфсизлик тизимига катта миқдорда сармоялар киритувчи сионистга тегишли. Жумладан, у Wiz киберхавфсизлик стартапига 1,7 млрд доллар маблағ жалб қилган.

Ўз навбатида, Starbucks ҳар қандай уруш ва зўравонликларга алоқадорлигини рад этиб келади.

Starbucks илк бор бойкотларга муносабат билдирди

Бойкот самарасини кўрсатмоқда: Starbucks Яқин Шарқдаги ходимлари сонини қисқартирмоқда