02.05.2024 09:45
KFC бойкот сабабли 108 та филиалини ёпди
Американинг KFC тамаддихоналар тармоғи Исроилнинг Ғазо секторига уюштирган ҳужумларига жавобан бошланган бойкот ортидан Малайзиядаги 108 та филиалини вақтинча ёпди.
Аввал KFC ижтимоий тармоқларда: “Кечирасиз, бу ерда чодирлар йўқ, бармоғини ялайдиган яхши товуқ!” деган ёзувни жойлаштирганди.
Ушбу хабар ижтимоий тармоқ фойдаланувчилари ўртасида баҳс-мунозараларга ва уни бойкот қилишга чақириқларга сабаб бўлди. Мазкур эълон Рафаҳдаги очликдан қийналаётган кўчирилган фаластинликларнинг аҳволига ишора сифатида кўрилди!
Кейинчалик хабар Кариб денгизидаги Антигуа номли орол билан боғлиқ экани, у ерда маҳаллий APUA компанияси чодирлари ўғирланиши содир бўлаётгани билан изоҳланди.
Mcdonal's ҳам икки йил ичида биринчи марта чораклик даромади пастлади. Mcdonald's Исроилни очиқчасига қўллаб-қувватлаши, жумладан, босқинчи аскарларга бепул егуликлар тарқатиши, Исроилдаги франшизаларини сотиб олгани АҚШда ва жаҳон миқёсида бойкотларга сабаб бўлмоқда. Глобал таққосланадиган савдо ўсиши кетма-кет тўртинчи чоракдирки 1,9% гача қисқариб бормоқда.
Starbucks ҳам бойкотлар сабабли ўтган чоракда ўзининг йиллик сотиш прогнозини қисқартирди.
