Шри-Ланкада бепул туристик виза билан ноқонуний бизнес бошлаган рус ва украинларнинг ижтимоий тармоқлардаги “фақат оқ танлилар учун” қабилидаги эълонлари норозиликларни келтириб чиқарди. Бунинг ортидан барча Украин ва Россия фуқароларига 8 мартга қадар мамлакатни тарк этиш ёки виза учун қайта мурожаат қилиш буюрилди.

Бельгия парламентининг собиқ депутати, ўта ўнгчи Дрис Ван Лангенхове яҳудийларга қарши “нафрат ва ирқчиликни қўзғатиш” айби билан бир йил муддатга қамалди. У ўзи ташкил этган ёшлар ҳаракати хабарлашув гуруҳига фашистлар рамзи (свастика) бўлган ва концлагерлардаги яҳудийлар устидан кулинган видео ва фотосуратлар жойлаштирилгани учун айбдор деб топилди.

Сўнгги йилларда юқори малакали французларнинг аксарияти муҳожирларнинг фарзандлари, Лондон, Нью-Йорк, Монреал ёки Дубай каби шаҳарларда хорижда янги бизнес бошлаш мақсадида Францияни тарк этишмоқда. Онлайн сўров натижасига кўра, 1000 дан ортиқ одамнинг 71 фоизи ирқчилик ва диний камситишлар туфайли Францияни тарк этган.

Британияда “Pride of Britain” (“Британия фахри”) мукофотига сазовор бўлган этник туркман аёлга 20 ёшлар атрофидаги 3 йигит ҳужум қилиб, калтаклаган, уни ҳақоратлаб, “мусулмон юртига қайтиб кетиш”ни талаб қилган. Ишбилармон аёл Мая Амангелдиева Туркманистонда туғилган, бироқ узоқ йиллардан бери Британияда яшайди.

Лидс университети профессори Салмон Саййид Британия бўйлаб бўлиб ўтган мусулмонларга қарши намойишлар исломофобик ташвиқотлар маҳсули эканини маълум қилди. Бироқ, унинг таъкидлашича, ўн йиллар давомида олиб борилган ташвиқотларга қарамасдан, мусулмонлар, номусулмонлар, турли ирқ вакиллари, сўлчилар ва ирқчиликка қарши бўлган барча погромчиларга қарши намойишларга чиқиб, уларнинг овозларини ўчирди.

Замонавий дунёмизда содир бўлаётган барча можароларни – Ғазо ва Фаластиндан тортиб, Венесуэла, Колумбия, Африка мамлакатлари ҳамда Украинагача кўриб чиқсак, бу можаролар ва урушларнинг негизида АҚШ, Британия, Франция ва бошқа мустамлакачиларнинг етакчилик мавқейини сақлаб қолиш йўлидаги уринишлари эканини кўрамиз. Улар, шунчаки, ўзларининг ҳарбий устунлиги, ҳалокатли қуролларга эгалиги ва бойлигига таяниб, ўз гегемонлигини исботлашга уринмоқда. Бироқ тарих империялар фақат бойлик ва ҳарбий куч-қудратнинг ўзи билан яшай олмаслигини ҳисобсиз равишда исботлаган. Империянинг ахлоқий, сиёсий ва ижтимоий таназзули унинг муқаррар заволидан дарак беради.