Бирлашган Араб Амирликлари(БАА)да йирик супермаркетлар ва етказиб бериш хизматлари одам курьерлар ўрнига дронлардан фойдаланмоқчи. Курьерлар ўрнига дронлардан фойдаланиш тезликни оширади: йўлларда тирбандлик бўлса ҳам, етказиб беришда муаммо бўлмайди. Шунингдек, харажатлар камаяди, дейилади хабарда.

Туркиянинг учувчисиз учоқлар ишлаб чиқарувчи Baykar компанияси ва Италиянинг мудофаа гиганти Leonardo қўшма корхона ташкил этишадиган бўлди. Шартнома Римда Leonardo бош директори Роберто Чинголани ҳамда Baykar раиси Селчук Байрактар томонидан имзоланган. Мақсад – ушбу соҳадаги илғор турк ишланмаларини Италиянинг юқори технологик стандартлари билан бирлаштириш экани айтилмоқда.

Саудия Арабистонида жорий йилги Ҳаж мавсумида илк бор Falcon номли ўт ўчирувчи ва қутқарувчи дрон ишга туширилади. Сунъий интеллект билан жиҳозланган дрон баланд тоғларда ёки чеккароқ ҳудудларда ёнғинни ўчириш ва қутқарув ишларини олиб боришга мўлжалланган.

Россия Shahed-136 зарба берувчи дронлари учун тўлов сифатида Эрон компаниясига умумий қиймати тахминан 104 миллион доллар бўлган камида 1,8 тонна олтин қуймалари берди.

Қозоғистонда маҳаллик корхоналар томонидан Қуролли Кучлар эҳтиёжлари учун махсус ишлаб чиқилган учувчисиз учиш аппаратларининг илк синовлари бўлиб ўтди. Улар замонавий видеокузатув камералари, датчиклар, масофа ўлчаш воситалари ва тепловизорлар билан таъминланган.