Дунёда ҳалол мол гўшти экспорти бўйича етакчи бўлган Бразилия мусулмон давлатларидан кўпроқ сайёҳларни жалб этиш мақсадида мавжуд масжидлар, мусулмонлар учун қулайликлар ва бошқа маълумотлар ўрин олган туристик қўлланма ишлаб чиқди.

Ўзбекистон президенти ва Малайзия бош вазири ислом молияси, «Ҳалол» сертификатлаштириш, сунъий интеллект, туризм соҳаларида ҳамкорликни кенгайтиришга келишиб олди. Зиёрат туризми бўйича «Умра плюс» дастури йўлга қўйилади. Президент Ўзбекистон-Малайзия саноат зонасини ташкил этишга тайёрлигини айтди.

Исроилдаги меҳмонхоналарнинг 10 фоизи молиявий инқироз ёқасида турибди. 2024 йилнинг дастлабки олти ойида мамлакат меҳмонхоналарида 969 минг ёки ўтган йилнинг шу даврига нисбатан 81 фоизга кам сайёҳ тунаган. Сайёҳларнинг кам ташриф буюраётгани меҳмонхона ва туризм хизматларини кўрсатиб келаётган Қуддус аҳолисига ҳам салбий таъсир кўрсатмоқда.

Япония сайёҳлик агентлиги хорижлик сайёҳларнинг диний эҳтиёжларини инобатга олган ҳолда, ҳалол ва вегетариан таомлар ўрин олган таомномаларни ишлаб чиқиш, шунингдек, туризм объектларида намозхоналар ташкил этиш бўйича худудларни қўллаб-қувватлаш дастурини ишга туширди.

Индонезиянинг Бали оролида хорижлик сайёҳлар сони кўпайиши ортидан жиноятчилик авж олиб, меҳнат бозорида рақобат кучайгани маълум қилинди. Шу боис ҳукумат ушбу ҳудудда туризм ислоҳотини амалга ошириш, “гиёҳванд моддалар, жиноий гуруҳлар ва бошқа муаммоларни олиб келаётган” хорижликларни депортация қилишни режалаштирмоқда.