Озарбайжон 2023 йилда Европага газ экспортини оширди

Озарбайжон 2023 йилда Европага 11,8 млрд куб метр газ экспорт қилди. Бу ҳақда мамлакат энергетика вазири Парвиз Шахбазов маълум қилди.

“Қисқа ва узоқ муддатли шартномалар асосида Европага 11,8 млрд куб метр газ экспорт қилинди”, — деб ёзди Шахбазов Х ижтимоий тармоғида.

Унинг сўзларига кўра, 2022 йилда Боку Европа Иттифоқига 11,4 млрд куб метр газ сотган. Яъни, бу йўналишда етказиб бериш ҳажми 3,5 фоизга ошди.

Шахбазовнинг қайд этишича, Озарбайжон ЕИга газ етказиб беришни бошлаганидан буён уч йил давомида жами 31 млрд куб метрдан ортиқ газ экспорт қилинган.

Аввалроқ 2023 йилда Озарбайжон ўз газ экспортининг ярмини Европага жўнатгани хабар қилинган эди. Бу, расмий ҳисоб-китобларга кўра, Бокунинг энергетика стратегияси муваффақиятли амалга оширилаётганидан далолат беради.

“Биз ташаббус қилган ва амалга оширган лойиҳалар Евроосиё энергетика харитасини сезиларли даражада ўзгартирди. Боку-Тбилиси-Жейхан ва Баку-Супса нефть қувурлари бугунги кунда Озарбайжон нефтини Ўртаер денгизи ва Қора денгиз бозорларига етказиб бермоқда. Жанубий газ йўлаги 3,5 минг км узунликдаги йирик инфратузилма лойиҳаси бўлиб, Европанинг энергетик хавфсизлигига улкан ҳисса қўшмоқда”, — деган эди республика президенти Илҳом Алиев Сербиянинг Нис шаҳрида Сербия-Болгария тизимлараро газининг очилиш маросимида сўзлаган нутқида. 

Мавзуга алоқадор

Энг кўп ўқилган

Тавсия қилинган

Реклама