Хожавандда арманлар мактабга мина қопқони қўйгани аниқланди
Озарбайжоннинг Арманистон ишғолидан озод қилинган Хожаванд туманидаги мактаблардан бирида арманлар мина пистирмаси қуриб кетгани аниқланди.
“Босқиндан
озод қилинган ҳудудларда олиб борилган миналардан тозалаш ишлари давомида
қопқонлар ва қўлбола (қўлбола) портловчи қурилмаларга қайта-қайта дуч келингани
Арманистоннинг озарбайжонларга нисбатан террорчилик сиёсатини яна бир карра
тасдиқлайди”, - дейилади Озарбайжон инсон ҳуқуқлари бўйича вакили (омбудсман)
Сабина Алиеванинг ушбу хабарга билдирган изоҳида.
Емишжан
қишлоғида жойлашган мактабда Озарбайжон Минасизлаштириш агентлиги (ANAMA)
ходимлари томонидан ўтказилган тезкор тадбир давомида синф хоналаридан бирида
партага тасма билан маҳкамланган Ф-1 қўл гранатаси топилган.
Таълим
муассасасида жанговар режимига ўтказилган, парта ва эшик тутқичига ип билан
маҳкамланган қопқоннинг ўрнатилиши террор тинч аҳолига қарши қаратилганини
кўрсатади, дейилади хабарда.
Озарбайжон
омбудсмани Арманистоннинг тинч аҳолининг асосий инсон ҳуқуқлари ва
эркинликларини қўпол равишда бузиш билан бирга олиб бораётган жиноий ҳаракатларини
кескин қоралаб, халқаро ташкилотларни ушбу жиноятга қатъий жавоб беришга чақирди.
