Дунё бўйлаб давом этаётган сув тошқинлари қурбонлари сони ҳам ортиб бормоқда. Сўнгги кунларда сув тошқинлари сабабли Афғонистонда 300 дан зиёд киши офат қурбонига айланган бўлса, бу кўрсаткич Кенияда 267, Бразилияда 144, Индонезияда 27 нафарни ташкил этмоқда. Жабрланганлар сони ва зарарлар миқдори ҳам жуда юқори.
Германия Мудофаа вазирлиги умумий ҳарбий мажбуриятни қайта жорий этишнинг уч йўналишини илгари сурди. Улардан бири 18 ёшга тўлган эркакларни ҳарбий хизматга чақиришни назарда тутса, бирида аёлларни ҳам мажбурий аскарликка олиш таклиф қилинган. Мамлакатда умумий ҳарбий мажбурият 13 йил муқаддам – 2011 йилда бекор қилинган эди.
Ака-ука Ҳассоунлар томонидан асос солинган Palestine Drinks ичимликлари сотувида кескин ўсиш кузатилмоқда. Истеъмолчилар Америка брендларини бойкот қилгани сабабли Фаластин-Швед компанияси ичимлиги Coca-Cola ва Pеpsi муқобилига айланди. Palestine Drinks компаниясининг бош ширкати Safad Food вакилининг The National нашрига айтишича, миллионлаб буюртмалар тушмоқда, икки ой ичида 4 миллионга яқин қути сотилган.
Миср Жанубий Африканинг Исроилга қарши ишини Халқаро Суд олдида расман қўшиш ниятида эканлигини эълон қилди. Шунингдек, босқинчи давлат сифатида Исроилни ўз мажбуриятларини ҳурмат қилишга ва Халқаро Суд буюрган чораларни амалга оширишга чақирди.
1 май куни бутун дунё бўйлаб ҳар йили ўтказиладиган Халқаро мусулмонлар тарихи ойлиги бошланди ва бу йил мусулмон жамоаларининг иштироки ўтган йилга нисбатан 10 баробар ошди
Исроил Ғазо секторида босқинчилик ва қирғинбарот урушини бошлаганига 218 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
Тинимсиз ёғингарчилик туфайли Афғонистоннинг Бағлон вилоятида сув тошқинлари юзага келди. Сел уйларни вайрон қилган, 200 га яқин одам ҳалок бўлган ва бедарак йўқолган.
Aпрель ойи ўрталарида AҚШнинг Колумбия университетида бошланган норозилик намойишлари бутун дунёга тарқалди. Дунёнинг турли бурчакларидан келган талабалар Исроилнинг Ғазо секторига ҳужумларига норозилик билдириш, шунингдек, Колумбия университетида бошланган норозилик намойишларини қўллаб-қувватлаш учун ўз кампусларида тўпланишмоқда. Шу кунгача намойишлар чоғида 2500 дан ортиқ одам ҳибсга олинган.
Эрон ҳукумати қўлга олинган MCS Aries кемасининг етти нафар экипаж аъзосини, жумладан беш нафар ҳиндистонликни қўйиб юборди. MCS Aries контейнер кемаси 13 апрель куни Ҳормуз бўғозида Эрон командолари томонидан қўлга олинган эди.
Мустамлакачилик даврида Европа давлатлари 12,5 миллиондан ортиқ африкаликларни ўғирлаб, кемаларда олиб кетган. Aфриканинг Сан-Томе ва Принсипи орол давлати ҳукумати мустамлакачилик сиёсати натижасида етказилган зарар учун Португалиядан товон пули талаб қилишини айтди.