Европада энг йирик ҳисобланган Запорожье АЭС ҳудудида ёнғин содир бўлди. Россия ва Украина томони бир-бирини айбламоқда, шу билан бирга, ёнғин радиациявий хавфсизликка таъсир қилмаганини тан олишмоқда. Шундай бўлса-да, МАГАТЭ бу каби ҳодисаларнинг эҳтимолий хатари катта бўлиши мумкинлигидан огоҳлантирди.
Июль ойи охирларидан буён Яманда кузатилаёган кучли ёмғир ва сув тошқинлари сабабли ҳаётдан кўз юмганлар сони 61 нафарга етди. Уларнинг катта қисми ички урушлар натижасида кўчирилган фуқаролардир. Яман ҳукумати халқаро ҳамжамиятдан сув тошқинлари қурбонларига инсонпарварлик ёрдами ажратилишини сўради.
Украина қўшинлари 6 август куни Россиянинг Курск вилоятига бостириб кирганидан буён 200 дан ортиқ киши бедарак йўқолди. Уларнинг яқинлари ва танишлари турли ижтимоий тармоқлар, шунингдек, “Лиса Алерт” қидирув гуруҳига мурожаат қилган. Белгород, Брянск ва Курск вилоятларида аксилтеррор операциялари ўтказилиши белгиланди.
Исроил Ғазо секторида босқинчилик ва қирғинбарот урушини бошлаганига 309 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
Эронда бир кунда 29 киши, жумладан, Кереж шаҳридаги қамоқхонада 26 киши гуруҳ бўлиб қатл қилингани айтилмоқда. Улар орасида қотиллик, гиёҳвандлик ва зўрлашда айбланган икки нафар Афғонистон фуқароси ҳам бор.
АҚШ Исроилга Америка қурол-яроғи ва ҳарбий техникасини сотиб олиши учун 3,5 миллиард доллар ажратади ва бу маблағни олдиндан келишилган қўшимча ҳарбий ёрдам пакетидан тақдим этади.
Украин қўшинлари Курск вилоятида Россия ҳарбийлари карвонига ҳужум қилди. Энг камида 15 та ҳарбий техника йўқ қилинган, юзлаб қурбонлар бўлиши мумкин.
Британияда мусулмонлар ва муҳожирларга қарши намойишлар етакчиси Томми Робинсон АҚШнинг сионистик ташкилотлари томонидан молиялаштирилади. MEF раҳбари Даниэл Пайпс The Times of Israel газетасига Робинсонни ҳимоя қилиш учун атиги учта намойишга 60 минг доллар сарфланганини тасдиқлади.
Исроил армиясининг Ғазо шаҳридаги кўчирилганлар бошпана топган мактабга уюштирган ҳужуми оқибатида камида 100 нафар фаластинлик ҳалок бўлди, ўнлаб кишилар яраланди.
Бугун, 9 август куни Остона шаҳрида Қозоғистон Президенти Қосим-Жўмарт Тўқаев раислигида Марказий Осиё давлатлари раҳбарларининг VI Маслаҳат учрашуви бўлиб ўтди. Учрашувда Қозоғистон раҳбари минтақа яқинида мураккаб ҳарбий-сиёсий вазият мавжудлигини айтиб, мудофаа сиёсати ва хавфсизлик соҳасида биргаликда ҳаракат қилиш, минтақа давлатлари ўртасида сиёсий мулоқот ва ишончни мустаҳкамлаш муҳимлигини таъкидлаган.