Озарбайжон президенти Суриянинг янги раҳбари Аҳмад ал-Шаръга мактуб йўллади

Мактубда Илҳом Алиев Аҳмад ал-Шаръни ушбу лавозимга тайинлангани билан табриклаб, Озарбайжон Сурия билан дўстлик ва ҳамкорлик алоқаларини ривожлантиришга катта аҳамият беришини таъкидлади. Унинг қайд этишича, Озарбайжон Сурияга мазкур муҳим ўтиш даврида зарур ёрдам кўрсатишга тайёр.

Президент Алиев Озарбайжон-Сурия муносабатларини янги босқичга олиб чиқиш ва икки томонлама ҳамкорликни кенгайтириш учун яхши имкониятлар мавжудлигини қайд этди. Шу муносабат билан у Сурия раҳбарини расмий ташриф билан Озарбайжонга келишга таклиф қилди.