Qozogʻiston Markaziy Osiyoda birinchi boʻlib neyron tarmoqlar sohasi va uning rivojlanishini davlat nazoratiga oldi. Yangi tashkil etilgan qoʻmitaning asosiy vazifasi neyron tarmoqlar boʻyicha davlat siyosatini nazorat qilish, respublikada sunʻʻiy intellektdan foydalanishni tartibga solish uchun qonunchilik bazasini yaratish, shuningdek, yirik til modellari asosida mahalliy ishlanmalarni ishlab chiqishdan iborat boʻladi.

Rossiyada firibgarlar mamlakatdagi taniqli diniy arbob, “Ettinchi avlod” mahalliy musulmonlar diniy tashkiloti rahbari Alisher Juraevning ovozini sunʻʻiy intellekt yordamida soxtalashtirdi. Ular Juraevning katta miqdorda qarz soʻragan ovozini ommaviy tarqatishgan.

AQSh Davlat departamenti buyurtmasi asosida tayyorlangan hisobotda sunʻʻiy intellekt odamzodga tahdid solayotgani, eng yomon stsenariyda insoniyatning yoʻq boʻlib ketishiga sababchi boʻlishi aytilgan. Hisobotda uning xatarlarini kamaytirish boʻyicha choralar, jumladan, maxsus Federal agentlik tashkil etish, kuchli modellar tafsilotlarini ommaga oshkor qilishni taqiqlash va SI xavfsizligi boʻyicha tadqiqotlarni moliyalashtirish taklif qilindi.

Isroil iloji boricha koʻproq falastinlikni oʻldirish uchun sunʻʻiy intellektdan foydalanmoqda.