Elchixona vakili Melis Moldalievga Qirgʻizistonda tahsil olayotgan pokistonlik talabalar bilan bogʻliq hodisalar haqidagi xabarlardan Pokiston hukumatining chuqur xavotiri bildirildi. Shuningdek, Pokiston Tashqi ishlar vazirligi Qirgʻizistonda istiqomat qilayotgan pokistonlik talabalar va fuqarolar xavfsizligini taʻʻminlash uchun barcha choralarni koʻrishga chaqirdi.

Ijtimoiy tarmoq foydalanuvchilari Gʻazo sektorida davom etayotgan vahshiylik borasida sukut saqlayotgan yulduzlarning ijtimoiy tarmoqlardagi sahifalarini bloklamoqda. Jastin Biber, Selena Homez, Zendaya, Kardashianlar, Teylor Svift kabi yulduzlar tanqid ostida qolgan.

Aprelʻ oyi oʻrtalarida AQShning Kolumbiya universitetida boshlangan norozilik namoyishlari butun dunyoga tarqaldi. Dunyoning turli burchaklaridan kelgan talabalar Isroilning Gʻazo sektoriga hujumlariga norozilik bildirish, shuningdek, Kolumbiya universitetida boshlangan norozilik namoyishlarini qoʻllab-quvvatlash uchun oʻz kampuslarida toʻplanishmoqda. Shu kungacha namoyishlar chogʻida 2500 dan ortiq odam hibsga olingan.

Google xodimlari Nʻyu-York va Kaliforniyaning Sunniveyl shaharlarida Isroil bilan hamkorlikni toʻxtatishni talab qilib namoyishga chiqdi. Oʻn soatlik namoyishlar ortidan bir qancha faollar politsiya tomonidan hibsga olindi.

Quddusda Isroil va HAMAS oʻrtasidagi urush boshlanganidan beri eng yirik norozilik namoyishi boʻlib oʻtdi. 100 mingdan ziyod kishi qatnashgan namoyish tashkilotchilari hukumat isteʻʻfosini talab qilib, Gʻazo sektorida garovda boʻlgan 130 nafar isroillikni ozod qilishga olib keladigan kelishuvga rozi boʻlishga chaqirmoqda. Norozilik harakatlari vakillari bu hafta Quddus boʻylab toʻrt kunlik miting va tadbirlar oʻtkazishni rejalashtirmoqda.