Isroilda 7 oktyabrdan buyon 46 mingdan ortiq korxona va tashkiloti oʻz faoliyatini toʻxtatdi. Urushdan asosan qurilish, savdo-sotiq, turizm va qishloq xoʻjaligi sohalari jiddiy zarar koʻrmoqda. Yil oxiriga qadar yopilgan shirkatlar soni 60 mingtaga etishi mumkin. Holat shu zaylda davom etadigan boʻlsa, keyingi yilga qadar Isroil taxmin etib boʻlmas darajadagi jiddiy inqirozga yuz tutishi mumkin
Isroil diaspora ishlari vaziri Amixaya Shiklining Frantsiyadagi parlament saylovlarida Jordan Bardell va Marin Le Penning “Milliy birlashuv” partiyasini qoʻllab-quvvatlagani, oʻta oʻnglar gʻalabasi Isroil manfaatlariga xizmat qilishi haqidagi bayonotlari frantsuzlar etakchisi Emmanuel Makronni gʻazablantirdi. Makron Shiklini mamlakatdagi parlament saylovlariga toʻgʻridan-toʻgʻri aralashganlikda aybladi.
Исроил Ғазо секторида инсониятга қарши жиноятларни содир этганликда айбланаётган бир вақтда Германия ушбу қотил давлатга энг кўп қурол етказиб бериш бўйича АҚШдан кейинги иккинчи ўринда турибди. SIPRI институти маълумотларига кўра, 2023 йилда Германия Исроил “оддий қуролларнинг асосий тоифалари” импортининг 47 фоизини (АҚШ – 53 фоиз) етказиб берган. Германия қуролларининг Исроилга экспорти 2024 йилнинг дастлабки 5 ойида ҳам давом этди.
AQSh, Isroil va Ukraina Kievga sakkiztagacha Patriot havo mudofaa tizimini etkazib berish boʻyicha muzokaralar olib bormoqda. Mutaxassislar agar havo hujumidan mudofaa tizimi Kievga topshirilsa, bu mamlakatning mudofaa qobiliyatini sezilarli darajada oshirishini taʻʻkidlashmoqda. Shunga qaramay, juda ehtiyotkor ishgʻolchi hukumat Isroilning Ukrainaga yordam koʻrsatish boʻyicha muzokaralarda ishtirok etishi uning Rossiya bilan munosabatlari yomonlashishiga olib kelishidan qoʻrqyapti.
Sobiq Isroil elchisi Deniel Karmon Hindistonga sionistlar oldidagi qarzlarini eslatib qoʻydi. Karmonning aytishicha, 1999 yilgi Hindiston va Pokiston urushi paytida Isroil hindlarni qoʻllagan kamsonli davlatlardan biri boʻlgan. Endi esa ularning qarzini toʻlash payti kelgan. Eʻʻtiborlisi, Karmonning ushbu bayonoti Hindiston Gʻazodagi begunoh falastinliklarni qirish uchun ishgʻolchilarga uchuvchisiz uchoqlar va artilleriya snaryadlarini etkazib berayotgani fonida paydo boʻldi.
Sunniy kurdlar partiyasi HÜDA-PAR Turkiya parlamentiga Isroildagi urushda qatnashayotgan mamlakat pasportiga ega barcha yahudiylarni fuqarolikdan mahrum etish haqidagi qonun loyihasini taqdim etdi. Maʻʻlum boʻlishicha, Turkiya fuqarosi boʻlgan 4 ming yahudiy nafaqat Isroilda harbiy xizmatni oʻtagan, balki Gʻazoga borib, begunoh falastinliklarni qirgʻin qilishda qatnashgan. Aniqlanishicha, ularning aksariyati ishgʻolchi davlatga Turkiyadan emas, balki uchinchi davlatlar orqali oʻtgan. Qotillar oʻzlarini fosh qilmaslik uchun turli ismlardan foydalangan.
Janubiy Koreyada 5000 dan ortiq kishi Isroil bosh vaziri Benʻyamin Netanyaxu, prezident Isaak Gertsog, TsAXAL rahbari Halevi, mudofaa vaziri Gallant, tashqi ishlar vaziri Kats, moliya vaziri Smotrix va milliy xavfsizlik vaziri Ben Gvirdan iborat etti nafar yuqori martabali amaldorga nisbatan daʻʻvo qoʻzgʻatdi. Ular genotsid, insoniyatga qarshi jinoyatlar, insonparvarlik ishlariga qarshi urush jinoyatlari hamda Gʻazoda taqiqlangan qurol va mablagʻlardan foydalangan holda urush jinoyatlarini sodir etishda ayblanmoqda.
Rasmiy Anqaraning Telʻ-Aviv bilan toʻgʻridan-toʻgʻri savdo aloqalarni toʻxtatish qaroriga qaramay, turk kompaniyalari Gretsiya kabi uchinchi davlatlar orqali Isroil bilan savdo qilishda davom etyapti. Maʻʻlumotlarga koʻra, may oyida Turkiyaning Gretsiyaga eksporti oʻtgan yilga nisbatan 71 foizga oshib, 375 million dollarga etgan.
Gʻazodagi qatliomdan soʻng Buyuk Britaniya Isroilga qurol sotishni keskin kamaytirdi. Qayd etilishicha, qurol eksporti boʻyicha berilgan ruxsatnomalarning soni urushdan oldingi koʻrsatkichga nisbatan 95 foizga tushgan. Shunga qaramay, tashqi siyosatda oʻzining ayyorona harakatlari bilan mashhur boʻlgan qirollik Gʻazo sektorida qirgʻinbarot urush boshlanganidan beri yahudiy davlatiga 100 dan ortiq qurol eksporti litsenziyasini tasdiqlagan.
Oʻtgan hafta AQSh Gʻazoda davom etayotgan genotsid fonida Isroil va arab generallari bilan yashirin uchrashgani maʻʻlum boʻldi. Unda Iordaniya, Misr, Bahrayn, Saudiya Arabistoni, Bahrayn, BAA generallari, shuningdek, AQSh Markaziy qoʻmondonligi (CENTCOM) qoʻmondoni Maykl Kurilla hamda bosqinchi davlat shtab boshligʻi Gertsi Xalevi ishtirok etgan. Arab davlatlari razvedka maʻʻlumotlarini almashish hamda Isroilga qarata otilgan raketa va dronlarni urib tushirish vazifasini olgan.