Isroil Vazirlar Mahkamasi Gʻazoga insonparvarlik yordami uchun “Kerem Shalom” nazorat-oʻtkazish punktini vaqtincha ochishga qaror qildi.

Gʻazoda oʻt ochishni toʻxtatish boʻyicha BMT Xavfsizlik Kengashi rezolyutsiyasiga ovoz berish ikkinchi marta qoldirildi.

Iordaniya harbiy-havo kuchlari samolyotlari parashyutlarda Gʻazo sektoridagi kasalxonalar uchun gumanitar yordam yuklarini tashladi. Yordam gumanitar yuk va oziq-ovqat yordami, jumladan, oziqaviy qiymati yuqori boʻlgan tayyor taomlarni oʻz ichiga olgan.

Saudiya Arabistoni Ukrainaga issiq koʻrpa, gigiena vositalari hamda 20 dan 400 kVt gacha boʻlgan 135 ta generatordan iborat 100 mln dollarlik gumanitar yordam joʻnatdi. Saudiya Ukrainaga birinchi marta yordam berayotgani yoʻq. Oktyabrʻ oyida mamlakat Kievga 400 mln dollar ajratgandi.

Oʻzbekiston Qozogʻistonning suv toshqinlaridan jabr koʻrgan hududlari aholisi uchun 15 ta yuk mashinasida insonparvarlik yordami joʻnatdi. 100 tonna yukni oʻz ichiga olgan mazkur yordam qiymati 10 milliard soʻmni tashkil etishi maʻʻlum qilindi.

Oʻzbekiston suv toshqinlaridan jabr koʻrgan Afgʻoniston xalqiga navbatdagi insonparvarlik yordamini yubordi. Yordam tarkibida chodirlar, shuningdek, un, guruch, konserva, makaron, yogʻ va boshqa mahsulotlar bor. Afgʻoniston shimolida may oyi boshida kuchli yomgʻirlar sababli suv toshqinlari yuz berib, yuzlab kishi halok boʻlgandi. Hodisadan eng koʻp Bagʻlon viloyati zarar koʻrgan.

Turkiyaning Tabiiy ofatlar va favqulodda vaziyatlar boshqarmasi (AFAD) tomonidan tayyorlangan 2408 tonna insonparvarlik yordami yuklangan kema Turkiyaning Mersin xalqaro portidan Sudanga yoʻl oldi.

2023 yilda dunyoning 33 mamlakatda 280 nafar insonparvarlik tashkilotlari xodimlari halok boʻldi. Ularning yarmidan koʻpi oʻtgan yilning oktyabrʻ-dekabrʻ oylarida Gʻazo sektorida qurbon boʻlishgan. 2024 yilning 7 avgustga qadar esa 172 nafar yordam xodimi hayotdan koʻz yumgan.