Олдинроқ, 27 ёшли Муҳсин Мустафо ва унинг 23 ёшли амакиваччаси Аҳмад Шариф ўзининг ижтимоий тармоқдаги саҳифасига Маъсор туманидаги полиция бўлимига ҳужум қилингани акс этган видеоларини жойлаганди. Унда Фаластин ва Миср ўртасидаги Рафаҳ чегара постининг ёпилиши ҳамда Ғазонинг қамал қилинишидан норози бўлганлар полиция бўлимларида қаттиқ қийноққа солинаётгани, ҳатто ўлдириб юборилаётгани айтилганди. Икки фаол эса мазкур ҳолатларни видеога муҳрлаб жамоатчиликка етказиш истагида эканини қўшимча қилишган. Ушбу воқеадан сўнг Муҳсин ва Шариф бедарак йўқолган.

Таҳлилчилар, тўсатдан Рафаҳ назорат-ўтказиш пункти орқали Ғазога ёрдам олиб киришга рухсат берилганини Мисрдаги воқеалар билан боғлашмоқда. Халқларнинг Сиси режимга қарши шиорлар айта бошлагани сионистларни чўчитиб юборган бўлиши мумкин. Зеро, Миср ичида норозилик ҳаракатларининг бошланиб кетиши АҚШ бошчилигидаги яҳудий давлатининг шериклари учун ҳам манфаатли эмас. "Бу – мусулмонларнинг вазиятни ўзгартириш ва қамални ёришга қодир эканининг энг катта исботидир", дейилади бу ҳақдаги изоҳларда.

Қоҳира Рафаҳни қайта очиш эвазига Исроилнинг Миср ва Ғазо чегарасини назорат қилишига рози бўлди. Бироқ май ойидан буён Исроил назоратида турган Рафаҳ чегара масканини бошқариш Фаластин маъмуриятига топширишни талаб қилмоқда.

Тел-Авив ва Қоҳира май ойи бошида Исроил кучлари чегара пунктини эгаллаб олганидан бери биринчи марта гуманитар ёрдам етказиб бериш учун назорат пункти очишга келишиб олди. Ушбу чегара постидаги назорат Исроил ҳарбийларидан "ҲАМАСга алоқаси йўқлиги исботланган фаластинликларга" топширилади.

Исроил Рафаҳ қочқинлар лагерига АҚШда ишлаб чиқарилган юқори аниқликдаги бомбаларни ташлади. Экспертларнинг хулосасига кўра, Исроилнинг Рафаҳ қочқинлар лагерига ҳаво ҳужуми Америкада ишлаб чиқарилган ўқ-дорилар ёрдамида амалга оширилган. Ғазо сектори жанубидаги шаҳарда гавжум чодирлар гуруҳига уюштирилган ҳужум камида 45 кишининг ҳаётига зомин бўлди ва юзлаб одамлар яраланди.

Машҳур америкалик актёр Исроил босқинчилари Рафаҳ шаҳрига қуруқликдан ҳужумини қоралади. Унинг таъкидлашича, Рафаҳ аҳолиси асосан "концлагерларга" жўнатилади, у ерда уларга нафрат ва шафқатсизлик билан муносабатда бўлишади.

Исроил Ғазо секторида босқинчилик ва қирғинбарот урушини бошлаганига 216 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Исроил бош вазири Беньямин Нетаняху айрим араб етакчилари уни қўллаб-қувватлашини тан олиб, улар Рафаҳга ҳужумни ҳам маъқуллашларини таъкидлади. "Улар буни [Рафаҳга ҳужумни] тушунишади ва ҳатто жимгина рози бўлишади", деди у.