Қозоғистонда халқ референдумида АЭС қурилиши маъқулланса, ушбу лойиҳага давлат бюджетидан 10-12 млрд доллар ажратиш режалаштирмоқда. Қозоғистон президенти Қосим-Жомарт Тўқаев 2023 йилнинг сентябрь ойида АЭС қуриш масаласини умумхалқ референдумига қўйишни таклиф қилган эди. АЭСнинг 20235 йилгача фойдаланишга топширилиши айтилмоқда.
Украина президенти Владимир Зеленский Марказий Осиё давлатлари урушда бетараф бўлишига қарамасдан, "Кремлдан қўрққани учун РФ томонга мойилроқ" эканини таъкидлади. Бунга Қозоғистон жавоб қайтарди.
Россия Давлат Думаси вице-спикери Пётр Толстойнинг Олмаота шаҳрини “Россия замини” деб атаганига Қозоғистон томони жавоб қайтарди. “Биз Қозоғистон-Россия дўстлигининг бундай масъулиятсиз баёнотлар туфайли издан чиқишини истамаймиз”, — деди депутат Абенов.
Қозоғистон парламенти Хитой билан Транскаспий халқаро транспорт йўналишини ривожлантириш тўғрисидаги битимни ратификация қилди. Келишув туфайли Хитойдан Европага юк ташишнинг умумий тезлиги ҳозирги 19-23 кундан 12-13 кунгача қисқаради.
Қосим-Жомарт Тоқаев Қозоғистон ва Ўзбекистоннинг иттифоқчилик муносабатлари тўғрисидаги шартномани ратификация қилиш тўғрисидаги қонунни имзолади. Ҳужжат сиёсий, савдо-иқтисодий, транзит-транспорт, энергетика, фуқаро мудофааси ва бошқа соҳаларда ҳамкорликни кенгайтиришга қаратилган.
Қозоғистон ҳукумати Россия қонунчилигини бузган ёки жарима тўламаган Ўзбекистон фуқароларини ҳибсга олишни бошлади. Аввалроқ ТИВ Қозоғистон ва Россия маъмурий ва жиноий ишлар бўйича қарорларни ўзаро тан олиш ва ижро этишга келишиб олгани ҳақида огоҳлантирган эди.
Қозоғистон президенти Қосим-Жомарт Тўқаев Марказий Осиё давлатлари хавфсизлик кенгашлари котибларини қабул қилди. Давлат раҳбари замонавий чақириқ ва таҳдидларнинг аксарияти трансчегаравий хусусиятга эга экани, шунинг учун уларга қарши курашиш умумий саъй-ҳаракатларни бирлаштиришни талаб қилишини таъкидлади. “Умуман олганда, мамлакатларимизда биз ўзаро мақбул ечим топа олмаган муаммолар йўқ ва бўлмаслиги ҳам керак”, деди у.
Қозоғистон Марказий Осиёда биринчи бўлиб нейрон тармоқлар соҳаси ва унинг ривожланишини давлат назоратига олди. Янги ташкил этилган қўмитанинг асосий вазифаси нейрон тармоқлар бўйича давлат сиёсатини назорат қилиш, республикада сунъий интеллектдан фойдаланишни тартибга солиш учун қонунчилик базасини яратиш, шунингдек, йирик тил моделлари асосида маҳаллий ишланмаларни ишлаб чиқишдан иборат бўлади.
Қозоғистоннинг собиқ ички ишлар вазири Эрлан Турғумбаев 2022 йилги тартибсизликлар бўйича ҳибгс олинди. У оғир оқибатларга олиб келган мансаб ваколатларини суиистеъмол қилишда айбланмоқда.
Қозоғистон жанубидаги Балхаш вилоятида жойлашган Иле-Балхаш давлат қўриқхонаси ҳудудида 18 гектар майдонда қуриган хас-чўплар ва қамишлар ёнди. Гидрометеорология хизмати мамлакат жанубида ҳарорат май ойидаёқ 40 даражага кўтарилиши, бу эса, ўз навбатида, ёнғинлар хавфини янада оширишини тахмин қилмоқда.