БМТ Халқаро судида Исроилнинг фаластин халқига нисбатан қатлиоми бўйича ЖАР даъвосини кўриб чиқиш бошланди. Суд мажлисларида Халқаро суд раиси Жоан Донохуэ, ЖАРлик судья Дигганг Эрнест Мосенек, исроиллик судья Аарон Барак иштирок этади.

Исроил армияси Ғазо сектори жанубидаги Хон Юнус шаҳридан чиқиб кетиши ортидан Носир касалхонаси ҳудудида учта оммавий қабр топилди. Улардан жами 392 нафар фаластинлик, жумладан, аёллар ва болаларнинг жасадлари чиқариб олинди. Баъзи жасадларда қийноқ ва қатл аломатлари бор.

ЮНРВА Исроил ҳарбийларининг фаластинликларга нисбатан қўлланаётган қийноқлар ҳақида маълум қилди. Ўзбошимчалик билан ҳибсга олинган ғазоликлар яланғоч ечинтирилиб, хўрланмоқда, турли хил қийноқларга солинмоқда. Ҳибсга олинганларнинг ҳожатга чиқиши ҳам тақиқланмоқда.

Исроил АҚШ ва қатор Европа мамлакатлари кўмагида 2023 йил 7 октябрдан бери Ғазода геноцид содир этмоқда. Одамлар бошпана сифатида фойдаланаётган тиббиёт ва таълим муассасаларига зарбалар берилмоқда, фуқаролик инфратузилмаси вайрон қилинмоқда. Исроилнинг қатлиомлари натижасида бир йил ичида 41 802 киши, жумладан 17 мингдан зиёд бола ва 11 378 аёл ҳалок бўлди. Исроил томонидан Ғазо секторида содир этилган 11 та қирғин.