Малдив ҳукумати Исроил паспорти эгаларининг мамлакатга киришини тақиқлаш бўйича фундаментал қарор қабул қилди. Шу тариқа, мамлакат раҳбарияти Ғазо секторида геноцидга дучор бўлаётган Фаластин халқига бирдамлигини билдирди. Бундан ташқари, Малдив ҳукумати Фаластинга ёрдам кўрсатиш масалалари билан шуғулланиш учун президентнинг махсус вакилини тайинлади. Малдив ороллари ҳар йили Исроилдан ўртача 15 минг сайёҳни қабул қилган.

Спортчилар, таниқли шахслар ва таъсир ўтказувчилар бутун дунё бўйлаб 30 миллиондан ортиқ одамларга қўшилиб, Ғазодаги Исроил қирғинига ва оммавий ахборот воситаларининг Исроилга нисбатан ҳар қандай танқидини цензура қилишига норозилик билдириш учун сунъий зако томонидан яратилган тасвирни Instagram ижтимоий тармоғида улашди.

Брюссел эркин университети илмий кенгаши 7 майдан буён давом этиб келаётган талабалар норозилиги ортидан Исроил университетлари билан тузилган барча шартнома ва лойиҳаларни тўхтатишга қарор қилди. Исроил Халқаро суднинг Рафаҳга қилинган ҳужумларни зудлик билан тўхтатиш, гуманитар ёрдамларнинг киришига тўсиқ бўлмаслик қарорларига амал қилса, муносабатлар қайта тикланиши мумкин.

Испания, Норвегия ва Ирландия Фаластинни расман тан олганидан кейин Дания парламенти қарама-қарши қарор қабул қилди. Буни Фаластинни давлат сифатида тан олиш тўғрисидаги қонун лойиҳасини зарур шартлар йўқлиги билан изоҳлаган.

Испания, Норвегия ва Ирландия Фаластин мустақиллигини расман тан олди. Жумладан, Испания бош вазири Шарқий Қуддус мустақил Фаластин пойтахтига айланиши, Ғазо сектори ва Ғарбий Соҳил ягона Фаластин миллий ҳукумати назорати остида бўлиши кераклигини таъкидлади.

Норвегия бош вазири Йонас Гар Стёре Норвегия Фаластин давлатини тан олганини эълон қилди. Ирландия ва Испания бугун, 22 май куни Фаластинни тан олувчи давлатлар қаторига қўшилишга тайёр эканликларини маълум қилишди. Ҳозиргача Европа Иттифоқининг 9 давлати Фаластинни тан олган.

Фаластинликлар бугун – 15 май куни 1948 йилги Накбанинг 76 йиллигини нишонлашмоқда. Бу Фаластиннинг ватани – тарихий Фаластиннинг вайрон қилинганини ва 1948 йилда Фаластин аҳолисининг оммавий этник тозаланишини англатади.

Исроил 1948 йилда тарихий Фаластин ерларида мустақиллик эълон қилганидан буён ўтган 76 йил ичида 134 мингдан ортиқ фаластинликларни ўлдирди, 1967 йилдан буён 1 миллиондан ортиқ кишини ҳибсга олди.

Ака-ука Ҳассоунлар томонидан асос солинган Palestine Drinks ичимликлари сотувида кескин ўсиш кузатилмоқда. Истеъмолчилар Америка брендларини бойкот қилгани сабабли Фаластин-Швед компанияси ичимлиги Coca-Cola ва Pеpsi муқобилига айланди. Palestine Drinks компаниясининг бош ширкати Safad Food вакилининг The National нашрига айтишича, миллионлаб буюртмалар тушмоқда, икки ой ичида 4 миллионга яқин қути сотилган.

Aпрель ойи ўрталарида AҚШнинг Колумбия университетида бошланган норозилик намойишлари бутун дунёга тарқалди. Дунёнинг турли бурчакларидан келган талабалар Исроилнинг Ғазо секторига ҳужумларига норозилик билдириш, шунингдек, Колумбия университетида бошланган норозилик намойишларини қўллаб-қувватлаш учун ўз кампусларида тўпланишмоқда. Шу кунгача намойишлар чоғида 2500 дан ортиқ одам ҳибсга олинган.