13.03.2025 13:32
Ўзбекистонда хитойликларнинг кўпайишидан халқ норози – Yeni Şafak
Ўзбекистонда хитойликларнинг кўпайиши оддий халқ орасида жиддий хавотирларга сабаб бўлаётгани ҳатто хориж нашрларининг ҳам эътиборини тортди. Жумладан, Туркиянинг "Yeni Şafak" нашри ўзбекистонликларнинг аксарияти мамлакатда Хитойнинг таъсири ортиб бораётганидан норози экани ҳақида ёзди.
"Яқинда Ўзбекистон ва Хитой ўртасида 2025 йилнинг апрелида кучга кирадиган 30 кунлик визасиз режим тўғрисидаги келишув имзоланди, бу эса жамоатчилик ўртасида янги мунозараларга сабаб бўлди.
Хитой компанияларининг тез суръатларда кенгайиши, йирик инвестициялар ва турли оммавий тадбирларнинг ўтказилиши иқтисодий рақобат, маданий таъсир ва ер масалалари бўйича хавотирларни янада кучайтирмоқда.
Ижтимоий тармоқларда эса, хитойликларга нисбатан танқидлар ва норозилик намойишларига чақириқлар тобора кўпаймоқда", деб ёзади нашр.
