Ўзбекистон сенати қимор ўйинларига рухсат берувчи қонунни маъқуллади

Таваккалчиликка асосланган ўйинларни тартибга солиш мақсадида мазкур соҳани лицензия асосида амалга ошириш, ушбу ўйинларда иштирок этиши тақиқланган фуқаролар тоифаларини белгилаш, ўйинларга қарам бўлган шахслар рўйхатини юритиш, букмекерлик фаолиятининг ўзига хос хусусиятлари каби қоидалар кўзда тутилмоқда, дейилади ушбу ҳужжатнинг шарҳида.

Бир неча кун олдин Фарғонада қимор сабаб қарзга ботган йигит уч боланинг онасини пичоқлаб ўлдирганди. Бунгача ҳам банк ё МИБ ходими каби ваколатли шахслар ўзига ишониб топширилган маблағларни онлайн қиморга тикиб юборгани ҳақида кўп эшитдик. Бор-будини қиморга тикиб, устига устак катта қарзга ботиб, сўнг ўзига ва бошқалар зарар келтираётганлар сони ортиб бораётган бир пайтда, турли важлар билан ҳукуматнинг қиморга рухсат беришини тушуниш қийин.