"Боқиманда эмас, ишчи". Германиядаги рус муҳожири марказий осиёликларнинг Россияда камситилаётганидан ҳайратда

Россиялик Роман Германияга таълим олиш учун келган ва бу ердаги ҳаётни яхши билади. У блогер Дмитрий Машковга берган интервьюсида Россиядаги марказий осиёликларнинг Европадаги муҳожирлардан фарқига тўхталди.

Романга кўра, Марказий Осиё аҳолисининг Россияга интилиши руслар учун катта совға, улар мамлакат иқтисодиётни қўллаб-қувватлайди. Бу мигрантлар ишлайди, солиқ тўлайди ва хизмат кўрсатади. У Россиядаги меҳнат миграцияси жуда фойдали эканини, шу туфайли ҳам Москва Нью-Йорк даражасидаги шаҳар бўлиб, такси нархи Польшага қараганда арзонроқ эканини билдирган.

Европа билан солиштирганда ҳам марказий осиёлик муҳожирларнинг рус давлати учун нақадар самарали эканини кўриш мумкин.

"Европадаги мигрантлар асосан қочқинлар бўлиб, дарҳол ижтимоий ёрдам сўрашади (ойига 600 евро), тил ўрганмайди ва кўпинча ишдан қочади. Шу сабабли ҳам улар боқиманда сифатида кўрилиб, қочқинларга нисбатан салбий қараш вужудга келган", дейди у.