Бомбаланаётган Ғазо: 160-куннинг асосий воқеалари

Исроил Ғазо секторида босқинчилик урушини бошлаганига 160 кун бўлди. 24 соат давомида Ғазо сектори, Иордан дарёсининг Ғарбий соҳилида содир бўлган асосий воқеалар дайжести.

▪️ Босқинчилар Ғазо маркази, Хон Юнис ва Рафаҳга ҳужум қилди. Кун давомида 88 киши ҳалок бўлди, 135 киши жароҳат олди.

▪️ 7 октбярдан буён исроил ҳужумлари натижасида жами 31 272 киши ҳалок бўлди, 73 024 киши яраланди.

▪️ Босқинчилар Ғазо жанубидаги БМТга тегишли ёрдам тақсимлаш марказида ёрдам кутаётган одамларга бомбали ҳужум қилди. Натижада 6 киши шаҳид бўлди, 83 киши яраланди. Ҳалок бўлганлар ва ярадорлар Шифа шифохонасига етказилди.

▪️ Ғарбий Соҳилда босқинчилар Қалқиля, Ерихо, Аби Дис ва Наблусга бостириб кирди. Ўнлаб фаластинликлар ҳибсга олинган.

▪️ Ливан Ҳизбуллоҳи Ал-Обод шарқида исроиллик аскарлар гуруҳига ҳужум қилганини билдирди.

▪️ Ғарбий Соҳилдаги Шяфат лагерида босқинчилар томонидан ўлдирилган 13 ёшли Рами Ҳамданнинг отаси босқинчилар ҳалигача боланинг жасадини уларга бермаганини маълум қилди.

▪️ Италия фаластинликни экстрадиция қилиш бўйича Исроилнинг сўровини рад этди. Италия судига кўра, "у шафқатсиз, ғайриинсоний ёки қадр-қимматни камситувчи муносабатга дучор бўлиш хавфи бор".

▪️ Amnesty International раҳбари: Исроил тўлиқ жазосиз халқаро ҳуқуқни бузишда давом этмоқда. Гуманитар ёрдамни ҳаво орқали етказиш ва Ғазода гуманитар порт яратиш бу қонунбузарликларни бартараф этишга ёрдам бермайди.

▪️ ҲАМАС сиёсий бюроси раҳбари Исмоил Ҳания: Майдон ва музокаралар иккита параллель чизиқдир. ҲАМАС музокараларда қаршилик ҳаракатининг даҳоси ва буюклигини таъкидлаб, Фаластин халқига қарши ҳужумларни тўхтатиш учун бор кучи билан ҳаракат қилмоқда.

Мавзуга алоқадор

Энг кўп ўқилган

Тавсия қилинган

Реклама