Шотландияда ёш мусулмонга масжид яқинида пичоқ билан ҳужум қилинди
Шотландияда кечки ибодатдан уйига қайтаётган мусулмон ўсмир номаълум жиноятчининг пичоқ билан ҳужуми қурбонига айланди, деб хабар берди Metro газетаси.
Асли
покистонлик мусулмон оиладан бўлган 13 ёшли бола Глазгодаги Квинс-Парк
масжидидан уйига кетаётганида унга пичоқ билан ҳужум қилинган. Ҳужум содир
этилган вақтда ўсмир анъанавий мусулмон кийимида бўлган, деб ёзади Arab News.
Бола
касалхонага ётқизилган, ҳозирда унинг аҳволи барқарор, ҳаётига жиддий таҳдид йўқ.
“Бола
қочиб, ҳаётини сақлаб қолишга уринаётганда оғир тан жароҳати олган, орқасига ва
бутун танасига пичоқ санчилган. Битта чуқур кесиш ўпкага таъсир қилган. Ўткинчи
оила полиция ва тез ёрдам чақирганида, у қонга беланган эди. Бола касалхонада,
у ерда бир неча операциялар ўтказилади”, - дея маълум қилган боланинг оиласига
таниш бўлган Алиша Нтаёмба матбуотга.
Полиция
терговчиси Стивен Палмернинг айтишича, ҳуқуқ-тартибот органлари тергов олиб
бормоқда ва ҳудуддаги видеокузатув камералари тасвирларини кўриб чиқади.
.png)
Мавзуга алоқадор
-
Канада бош вазири Жастин Тюрдо мамлакатда исломофобия ҳолатлари ортиб бораётганидан хавотир билдирди. У ҳукумат фуқаролар “ўз уйларида, маҳаллаларида ва ибодат жойларида ўзларини хавфсиз ҳис қилишлари” учун барча зарур саъй-ҳаракатларни амалга оширишини маълум қилди.
-
АҚШда Берт Жеймс Бейкер исмли шахс Фаластинни қўллаб‑қувватлаб ўтказилган намойишдан қайтаётган америкалик мусулмонларга пичоқ билан ҳужум қилиб, улардан бирини жароҳатлади. Америка-Ислом муносабатлари кенгаши унга нисбатан нафрат билан боғлиқ жиноят бўйича айблов қўйишга чақирди.
