ЖАР Исроилни геноцидда айблаб халқаро судга мурожаат қилди

Жанубий Африка Республикаси Исроил 7 октябрдан бери Ғазо секторида содир этган қилмишлари билан БМТнинг 1948 йилги Геноциднинг олдини олиш ва жазолаш тўғрисидаги конвенциясини бузганлиги сабабли БМТ Халқаро судига мурожаат қилди, дея хабар бермоқда Anadolu.

Халқаро суд ёзма баёнотида ЖАРнинг Исроилнинг Ғазо секторидаги фаластинликлар билан боғлиқ Геноцид конвенцияси доирасидаги мажбуриятларини бузганига асосланиб ариза берганини билдирди.

Баёнотда айтилишича, ЖАР Исроил "2023 йил 7 октябрдан бери геноциднинг олдини ололмагани ҳамда геноцидга тўғридан-тўғри ва очиқ-ойдин даъватни таъқиб этмагани" сабабли унга қарши суд тақиқи қўйилишини талаб қилмоқда.

Баёнотда айтилишича, “Исроилнинг ҳаракатлари ва ҳаракатсизлиги геноцид ҳисобланади, чунки улар геноцид уни амалга ошириш бўйича аниқ мақсадлар билан содир этилган”. Қайд этилишича, амалга оширилган ҳаракатлар “Ғазодаги фаластинликларни йўқ қилишга” қаратилган.

“Исроил ҳукумати ҳукумат амалдорлари ва бошқа шахслар ҳамда тузилмалар орқали ҳукумат амалдорлари ва бошқаларнинг кўрсатмаси, топшириғи, назорати ёки таъсири билан Ғазодаги фаластинликларга қарши ҳаракатлари билан Геноцид конвенцияси бўйича ўз мажбуриятларини бузмоқда”, - дейилади баёнотда.

ЖАР Геноцид конвенциясининг 9-моддасига асосланади

Геноцид тўғрисидаги конвенциянинг 9-моддасига мувофиқ, Конвенция моддалари давлат томонидан бузилган тақдирда, Конвенциянинг ҳар қандай иштирокчи-давлати халқаро судга бузғунчи давлатга қарши даъво билан мурожаат қилиши мумкин.

Агар ўта зарурат туғилса, Халқаро суд жараён тугагунга қадар ҳуқуқбузарликларни тўхтатиш тўғрисида вақтинчалик кўрсатма бериши мумкин.

Аввалроқ, 2019 йилнинг 11 ноябрь куни Гамбия давлати Ислом ҳамкорлик ташкилоти номидан Роҳинжа мусулмонлари геноцидини текшириш учун Халқаро судга мурожаат қилган эди.