14.02.2025 10:25
190
Украина армияси Песчаное қишлоғини озод қилди - BILD
Украина Қуролли Кучлари бир йил ичида биринчи марта кенг кўламли қарши ҳужумни амалга ошириб, Донецк вилоятидаги Песчаное қишлоғини озод қилишга муваффақ бўлди. Украина армиясининг ҳужум операцияси Покровск шаҳридан беш километр узоқликда жойлашган ушбу ҳудудда Россия қўшинларини чекинишга мажбур қилди.
Ҳарбий таҳлилчиларнинг қайд этишича, Украина армияси турли йўналишлардан бир қатор қарши ҳужумларни амалга ошириб, қўшни аҳоли пунктларига икки километр илгарилаб борди. Гарчи озод қилинган ҳудуд ҳозирча кичик бўлса-да, бу 2023 йил кузидан бери Россия қўшинларининг илк бор орқага чекинмоқда.
Россия манбалари Украина армиясининг Песчаное қишлоғининг ғарбий қисмидаги саноат зонасида мустаҳкам ўрнашиб олганини ва турар жой ҳудудларида жанг олиб бораётганини тасдиқламоқда.
Шунингдек, Украина армияси Россия ҳудудида ҳам фаоллик кўрсатмоқда. Курск вилоятида Украина ҳарбийлари учта кичик аҳоли пунктини назорат остига олгани ҳақида хабарлар тарқалди.
