09.07.2025 15:15
24
Трамп ва Нетаняху махфий учрашув ўтказди
Кеча, 8 июл куни Исроил бош вазири Бенямин Нетаняхунинг АҚШ президенти Доналд Трамп билан ўтказган учрашуви тахминан бир соат давом этган. Эътиборлиси, Трамп ва Нетаняхунинг суҳбатига ОАВ вакиллари киритилмаган.
Учрашувдан сўнг Нетаняху АҚШ давлат раҳбари билан Ғазода гаровга олинганларни озод қилиш бўйича гаплашиб олганини айтган. Шунингдек, у ҲАМАС ҳаракатининг ҳарбий ва сиёсий имкониятларини йўқ қилиш режасида қатъийлигини қўшимча қилган.
Reutersʼнинг ёзишича, Трамп Нетаняху билан сешанба куни икки кун ичида иккинчи марта учрашган. Суҳбат Ғазодаги вазиятга бағишланган. Шу билан бирга, АҚШнинг Яқин Шарқ бўйича махсус вакили Исроил ва ҲАМАС деярли икки йилдан бери давом этаётган урушдан сўнг сулҳ битимига яқинлашаётганини билдирган.
Axios нашри эса сешанба куни Нетаняху етиб келишидан аввал Қатар делегацияси Оқ уйда юқори мартабали расмийлар билан учрашган.
