13.05.2025 11:36
46
Трамп Истанбулдаги Россия-Украина музокараларида шахсан ўзи қатнашмоқчи
АҚШ президенти Доналд Трамп 15 майда Истанбулда Россия ва Украина ўртасида ўтказилиши режалаштирилган музокараларда шахсан ўзи қатнашиши мумкин. Бу ҳақдан Трампнинг ўзи маълум қилди.
У журналистларга пайшанба куни бўлиб ўтадиган учрашувни жуда муҳим деб атаб, бу натижага эришиш учун кўп ҳаракат қилганини таъкидлаган.
Шунингдек, Трамп Истанбулдаги қарорлар жиддий қабул қилинишини қўшимча қилган.
Унинг сўзларига кўра, Россия ва Украина ўртасида Истанбулдаги учрашувдан "яхши натижалар кутиш мумкин".
Шунингдек, Трамп Эрдўғоннинг ажойиб мезбон эканлигини ҳам эътироф этган.
Маълумот учун, Россия президенти Владимир Путин 15 май куни Украина билан "олдиндан ҳеч қандай шартларсиз" Туркияда тўғридан тўғри музокаралар ўтказишни таклиф қилди. Зеленский ҳам Истанбулда Путин билан бевосита музокараларга тайёр эканлигини айтди.
