Тожикистонда “Крокус”даги терактда алоқадорликда гумонланиб 9 киши қўлга олинди
Тожикистон Миллий хавфсизлик давлат қўмитаси ходимлари ИШИД-Хуросон террорчилик гуруҳи ва «Крокус Сити Холл» концерт залига ҳужум қилганлар билан алоқадорликда гумон қилинган тўққиз нафар маҳаллий аҳолини қўлга олди. Бу ҳақда Reuters ва РИА Новости Тожикистон махсус хизматларидаги манбаларига таяниб хабар қилди.
Гумонланувчилар
25 март, душанба куни теракт содир этган икки террорист яшаган Ваҳдат шаҳрида қўлга
олиниб, сўнгра Душанбега олиб кетилган.
Қайд
этилишича, тезкор тадбирларда Тожикистон пойтахтида жойлашган Россия хавфсизлик
кучлари иштирок этган. Ҳибсга олинганлар бўйича бошқа тафсилотлар маълум эмас.
Москванинг
Басманний судига эса «Крокус» теракти иши бўйича тўққизинчи гумонланувчи бўйича
материаллар келиб тушди, деб ёзмоқда
“База” Телеграм-канали. Унинг исми Назримод Лутфуллои. Тергов уни ҳибсга олишни
сўрамоқда.
.png)
Мавзуга алоқадор
-
Россия президентига Крокус Сити Холлдаги терактда иштирок этганликда гумонланиб 11 киши, жумладан тўрт террорист қўлга олингани ҳақида маълумот берилди. Ижтимоий тармоқларда террорчиларнинг Тожикистон фуқаролари экани ҳақидаги хабарлар тарқалди. Ўз навбатида, Тожикистон ТИВ ушбу хабарларни “фейк” деб атади. Теракт қурбонлари сони 93 нафарга етди.
-
Москванинг Басманний суди тергов талабига биноан “Крокус Сити Холл”даги теракт бўйича жиноий иш бўйича яна уч нафар айбланувчи – ака-ука Диловар ва Аминжон Исломовлар ҳамда уларнинг отаси Исроилни ҳибсга олиш тўғрисида қарор қабул қилди. Фожиа қурбонлари сони эса 139 нафарга, жабрланганлар 361 нафарга етди.
