27.08.2025 13:59
99
Сурия исроил билан келишмоқчи эмас – Аҳмад аш-Шаръ
Президент Аҳмад аш-Шаръ Суриянинг "Иброҳим келишувлари"га қўшилишини рад этди ва исроилнинг ҳанузгача Жўлон тепаликларида босқинчилик сиёсатини давом эттираётганини эслатди.
"Келишувлар исроил ва ушбу давлат билан ҳеч қандай низоси йўқ, қўшни бўлмаган давлатлар ўртасида тузилган. Суриянинг ҳолати бошқача. Бизда Жўлон тепаликлари бор – ишғол остидаги ер", деган Сурия раҳбари.
У Дамашқ учун устувор йўналиш 1974 йилда БМТ воситачилигидаги келишувга амал қилиниши ёки халқаро назорат остида Суриянинг жанубини барқарорлаштиришга қаратилган шунга ўхшаш келишувни тиклаш эканини таъкидлаган.
Аш Шарънинг сўзларига кўра, Суриянинг ёндашуви қўшнилар билан "ноль муаммо" принципига асосланган. Шунга қарамай исроил билан муносабатларни нормаллаштириш масаласи кўриб чиқилмаяпти.
