Ливанда намойишчилар суннийлар етакчиси Аҳмад ал-Асирни озод қилишни талаб қилишмоқда

Ливанда суннийлар етакчиси Аҳмад ал-Асир тарафдорлари уни озод қилиш талаби билан намойиш ўтказишди. Намойиш Сайда шаҳри яқинидаги Билол ибн Рабоҳ масжиди ҳовлисида бўлиб ўтди.

Маълумот учун, Ал-Асир 2013–2014 йилларда Ливан армияси билан тўқнашувларда иштирок этгани учун 20 йиллик қаттиқ режимдаги қамоқ ва ўлим жазосига ҳукм қилинганди. У 2015 йил августидан бери қамоқда сақланмоқда.

2012 йилда ал-Асир "Ҳизбуллоҳ"нинг Сурия урушида иштирок этишига қарши чиққан ва бу унинг тарафдорлари, "Ҳизбуллоҳ" ва Ливан армияси ўртасида тўқнашувлар сериясига сабаб бўлган.

Фаол Муҳаммад аш-Шомийнинг айтишича, ал-Асир ва унинг ҳамфикрлари озод этилмагунча намойишлар давом этади.