Исроил иқтисодиётига катта зарба: 5 мусулмон давлати Исроилга юк ташувчи кемаларни ўз портларига киритмайди
5 мусулмон давлати Исроил портларида тўхтаб, юк қабул қиладиган ёки Исроил портларига юк олиб ўтадиган кемаларни ўз қирғоқларига киритмасликка қарор қилиши мумкин. Б уҳақда Yeni Shafak нашри хабар берди.
Қайд этилишича, 5 та давлат Исроил портларига кирувчи кемаларнинг ўз қирғоқларидан Исроил портларига юк олиб ёки юк ташишига рухсат бермаслик фикрини муҳокама қилмоқда.
Туркиянинг Исроил билан экспорт-импорт операцияларини тўхтатиш қарори аввалроқ Гамбияда бўлиб ўтган Ислом ҳамкорлик ташкилотининг ХV саммити иштирокчиларининг кун тартибида эди.
Ислом ҳамкорлик ташкилотига 57 та аъзо, жумладан, яҳудий давлати билан чегарадош Ливан, Сурия, Иордания ва Миср киради. Исроил билан савдони тўхтатишда минтақавий иқтисодиётда муҳим рол ўйнайдиган Саудия Aрабистони, Бирлашган Aраб Aмирликлари, Қувайт ва Ироқнинг позициялари ҳам муҳим аҳамиятга эга.
Кўрфаз билан чегарадош мамлакатлардаги портлар Узоқ Шарқдан яҳудий давлатига юкларни етказиб беришнинг асосий нуқталари ҳисобланади. Уларнинг ёпилиши Исроил иқтисодиётига жиддий зарба бериши мумкин, дейилади хабарда.
Ҳусийларнинг Исроил портларига кириб-чиқиб келаётган юк кемаларига ҳужумлари узоқ вақтдан бери Тел-Aвив ва унинг ғарбий қўллаб-қувватловчиларини ташвишга солиб келган. Туркия томонидан зўравонликсиз иқтисодий санкциялар жорий этилгандан сўнг Тел-Aвивга етказилган зарар кўпроқ тилга олинмоқда.
AҚШ ва Европа оммавий ахборот воситалари томонидан кузатилган Туркиянинг бу ҳаракатлари баъзи Aфрика давлатларини ҳам рағбатлантирмоқда. Бу Исроилни янада катта ташвишга солади.
Аввалроқ, Малайзия бош вазири Анвар Иброҳим «фаластинликларга нисбатан шафқатсизлик» сабабли Исроил байроғи остидаги ва Исроилга тегишли барча кемаларнинг ўз портларига кириши тақиқланганини эълон қилган эди.
.png)
Мавзуга алоқадор
-
Ғарб матбуоти аксарият ҳолатларда иккиланма мезонлар билан ҳаракат қиляпти ва шу тахлит яшамоқда. Абдулҳаким Баҳриддин Ғазо мисолида ахборот воситаларидаги иккиланма мезонларни тилга олди.
-
Туркия ижтимоий тармоқларда исроил аскарлари турк иссиқ ички кийимларини қабул қилиб олаётгани акс этган видеоёзув бўйича муносабат билдирди. Таъкидланишича, видеодаги кийимлар эски партиядан.
