Исроил-Фаластин урушининг 76-куни: энг муҳим янгиликлар дайжести
Исроилнинг 7 октябрдан бери Ғазога уюштирган ҳужумларида ҳалок бўлган фаластинлик сони 20 мингдан ошгани, улардан камида 8 минг нафари болалар, 6 минг 200 нафари эса аёллар экани ҳамда вайроналар остида 6700 киши, уларнинг 70 фоизи аёллар бедарак йўқолгани маълум қилинди. - Anadolu
Исроил армиясининг Ғазо жанубидаги Рафаҳ ва Хон Юнисга уюштирган ҳужумларида камида 42 фаластинлик ҳалок бўлди. - WAFA
БМТ Озиқ-овқат дастури Иорданиядан Ғазога юборилган 46 юк машинасига ортилган 750 тонна озиқ-овқат ва тез тиббий ёрдам воситаларидан иборат инсонпарварлик юкидан иборат илк ёрдам карвони биринчи марта Карм Абу Салим чегара постидан тўғридан-тўғри Ғазо секторига етказилганини билдирди. - WFP
Исроил бошпана, озиқ-овқат ва тоза сув танқислиги туфайли гуманитар фалокат чуқурлашган Ғазо секторига денгиз орқали ёрдам жўнатиш учун Жанубий Кипр маъмурияти билан музокаралар ўтказди. Anadolu
Фаластин нодавлат ташкилотлари томонидан тузилган “Ишғолни сотиб олиш” (DBIO) коалицияси томонидан эълон қилинган янги ҳисоботда Европанинг 776 молия институти 2020 йил январидан 2023 йил августигача ноқонуний яҳудий турар-жойлари қурилишида фаолият юритган 51 ширкатга 164,2 млрд доллар ёрдам бергани маълум қилинди. - DBIO
Ҳамас сиёсий бюроси раҳбари Исмоил Ҳания Миср расмийлари, жумладан, разведка хизмати раҳбари Аббос Комил билан Исроилнинг Ғазодаги ҳужумларини тўхтатиш ва ишғолни бекор қилиш масалаларини муҳокама қилиш учун Мисрга ташриф буюрди. - Anadolu
Исроил армияси Гивати бригадасининг кичик зобити, “Намер” БТР командири, катта сержант Уриэл Коэн ҳамда майор Лиор Сиван Ғазо сектори жанубидаги тўқнашувларда ҳалок бўлганини маълум қилганидан сўнг 7 октябрдан буён ўлгани расман тан олинган исроил аскарлари сони 135 нафарга етди. - Haaretz
Ноябрь ойида Исроилга ўтган йилнинг шу давридаги 370 минг ўрнига 38 минг сайёҳ ташриф буюриб, пасайиш қарийб 90 фоизни ташкил этди. – TRT
Голландиянинг Роттердам шаҳридаги Бинненротте майдонига Исроилнинг Ғазога уюштирган ҳужумларида ҳалок бўлган фаластинлик болалар хотирасига 8 минг жуфт болалар пойабзаллари териб чиқилди. - Anadolu
.png)
Мавзуга алоқадор
-
Ғарб матбуоти аксарият ҳолатларда иккиланма мезонлар билан ҳаракат қиляпти ва шу тахлит яшамоқда. Абдулҳаким Баҳриддин Ғазо мисолида ахборот воситаларидаги иккиланма мезонларни тилга олди.
-
Туркия ижтимоий тармоқларда исроил аскарлари турк иссиқ ички кийимларини қабул қилиб олаётгани акс этган видеоёзув бўйича муносабат билдирди. Таъкидланишича, видеодаги кийимлар эски партиядан.
