Ирландия бош вазири: Европа Иттифоқи ишончни йўқотди
Ирландия бош вазири Лео Варадкар пайшанба куни Брюсселда Европа Иттифоқи йиғилиши олдидан журналистларга Ирландия саммитнинг якуний баёнотини мустаҳкамлаш учун Фаластинни қўллаб-қувватлашга ҳаракат қилишини айтди, дея хабар берди IRNA.
Унинг
сўзларига кўра, сўнгги икки ой ичида Европанинг Ғазо секторидаги воқеалар
бўйича позицияси ўзгарган ва Ирландиянинг Фаластинни қўллаб-қувватлаш бўйича
узоқ йиллик позициясига яқинлашган. “Европа Иттифоқи Фаластин ва Исроил
масаласида кучли ва ягона қарор позицияни эгаллай олмаганимиз туфайли ишончни
йўқотди”, - дея қўшимча қилди у.
Ирландия бош
вазири европалик ва америкалик ёшларнинг Фаластинга мойиллигини
таъкидлаб, бу масалани Ғарб блокидаги муҳим сиёсий ва ижтимоий ривожланиш
сифатида баҳолади.
"Европа
раҳбарлари бу муаммодан хабардор бўлишлари керак, биз саммитнинг якуний
баёнотида терроризмни қоралашдан ташқари, гуманитар сулҳ (Ғазо секторида) ва
фаластинликлар учун адолатни талаб қиладиган кучлироқ тилга муҳтожмиз", -
дея қўшимча қилди Лео Варадкар.
Европа
Кенгаши президенти Шарль Мишель бир неча кун аввал Европа етакчиларига йўллаган
мактубида: "Ғарбий Осиёдаги ривожланиш саммитимиз кун тартибида асосий
ўринлардан бирини эгаллайди. Биз барча маҳбусларни озод қилишни ва Ғазо секторидаги
хавотирли гуманитар вазиятга жиддий эътибор беришни талаб қилишимиз керак",
- деган эди.
.png)
Мавзуга алоқадор
-
Ғарб матбуоти аксарият ҳолатларда иккиланма мезонлар билан ҳаракат қиляпти ва шу тахлит яшамоқда. Абдулҳаким Баҳриддин Ғазо мисолида ахборот воситаларидаги иккиланма мезонларни тилга олди.
-
Туркия ижтимоий тармоқларда исроил аскарлари турк иссиқ ички кийимларини қабул қилиб олаётгани акс этган видеоёзув бўйича муносабат билдирди. Таъкидланишича, видеодаги кийимлар эски партиядан.
