Бомбалар остидаги Ғазо: 118‑куннинг асосий воқеалари

Исроил томонидан Ғазо секторида қатлиом бошланганига 118 кун бўлди. Ўтган куннинг асосий воқеалари дайжести.

▪ 24 соат давомида босқинчилар Ғазода 16 марта қирғин қилди, 150 киши ҳалок бўлди, 313 киши яраланди. Натижада Исроил ҳужумлари натижасида ҳалок бўлган ғазоликлар сони 26,9 минг, жароҳатланганлар 65,9 мингга етди.

▪  Босқинчилар Нусейрат лагери, Дайр ал-Балаҳий ва Ғазонинг шимолий ҳудудларига, қайиқлар билан қочқинлар лагерлари жойлашган Рафакс соҳилига ҳужум уюштирди.

▪ Ғарбий Соҳилда ишғолчилар Қалқиля, Байтлаҳм ва Ерихога бостириб кирди, у ерда шафқатсиз калтакланиш натижасида қўли синган 17 ёшли бола ҳибсга олинди.

▪ Ҳусийлар АҚШнинг KOI савдо контейнер кемаси ва Американинг USS Greeley эсминецига кемага қарши ракеталар билан зарбаси берди.

▪ АҚШ Яманнинг Ходейда порт шаҳрига ҳужум қилди.

▪UNRWA маълумотларига кўра, Ғазо секторидаги кўчирилган оилалар учун мўлжалланган лагерлар камида 270 марта ҳужумга учраган.

▪ Европа Иттифоқининг ташқи сиёсат ва хавфсизлик бўйича олий вакили Жозеп Боррелл: Ғазода содир бўлаётган воқеалар умумий виждонимиздаги яра.

▪ Жазоир БМТ Хавфсизлик Кенгашига Ғазо секторида зудлик билан ўт очишни тўхтатишни талаб қилувчи резолюция лойиҳасини тақдим этди.

▪ Исроил армияси Ғазо сектори шимолидаги тўқнашувлар чоғида 36 ёшли исроиллик майор Ицхар Хоффман ўлдирилганини маълум қилди. 2023 йил 7 октябрдан бери ўлдирилган исроил ҳарбийлари сони 561 нафарга етди, уларнинг 224 нафари қуруқлик ҳужуми пайтида йўқ қилинган.