25.06.2025 15:55
60
АҚШ Конгресси "Толибон"ни молиялаштиришга қарши қонун қабул қилди
АҚШ вакиллар палатаси "Толибон" ҳисобига ҳар қандай шаклда маблағ ўтказишни тақиқловчи қонун лойиҳасини маъқуллади.
"Террорчиларга бир чақа ҳам йўқ" деб номланган ушбу қонуннинг мақсади – америкалик солиқ тўловчиларнинг пуллари ҳисобидан Афғонистон ҳукуматига тўғридан-тўғри, билвосита ёки учинчи тарафлар орқали маблағ берилмаслигини кафолатлаш.
Қонун матнидан: "Агар сиз "Толибон"ни молиялаштираётган бўлсангиз – демак, сиз АҚШнинг дўсти эмассиз", деган кескин баёнот ҳам ўрин олган.
.
Ҳужжатга кўра, ҳатто гуманитар ташкилотлар, халқаро ННТлар орқали ҳам "Толибон"га бевосита ёрдам берилиши мумкин эмас.
Бу орқали Вашингтон "Толибон" билан ҳар қандай ҳамкорлик йўлларини расман ёпишни кўзлаётгани айтилмоқда.
