2016 yil 15 iyulʻ kechasi Turkiyada demokratik yoʻl bilan saylangan hukumatni agʻdarishga qaratilgan xoinona davlat toʻntarishiga urinish amalga oshirilgan edi. Ushbu gʻalayon qanday boshlandi, qanday hodisalar roʻy berdi, davlat toʻntarishiga qasd qilganlarga qarshi qanday kurashildi – Turkiya prezidenti huzuridagi Kommunikatsiya boshqarmasi boshligʻi, professor Fahrettin Altun maqolasida.

Turkiyaning Bamakodagi elchisi Efe Jeylan boshchiligidagi turk delegatsiyasi Mali Bosh shtab rahbari general Umar Diarra bilan uchrashdi. Uchrashuvda Turkiya harbiy delegatsiyasi Mali hukumatiga terrorchi guruhlarga qarshi kurashda harbiy yordam koʻrsatishni davom ettirishga tayyorligini tasdiqladi.

Turkiya ichki ishlar vaziri Ali Erlikaya mamlakat aeroportlarida AQSh va Britaniyada boʻlgani kabi, chet elliklardan barmoq izlari olinishi rejalashtirilayotganini maʻʻlum qildi. Shuningdek, u Turkiya immigratsiya siyosatiga kiritilayotgan oʻzgarishlar, xususan, yashash guvohnomasini olishdagi kutilayotgan oʻzgarishlar haqida ham maʻʻlumot berdi.

2013 yilda davlat toʻntarishi uyushtirib, Muhammad Mursiyning qonuniy hukumatini agʻdargan Abdulfattoh Sisi 12 yil oʻtib Turkiyaga keldi. Ushbu tashrif doirasida mudofaa, energetika, savdo-sotiq va boshqa sohalardagi hamkorlikni rivojlantirish masalalari koʻrib chiqiladi. Ikki davlat rahbarlari mintaqaviy muammolar, jumladan, Gʻazo sektori va ishgʻol ostidagi Falastin erlariga hujumlar boʻyicha fikr almashmoqchi.

Turkiyaning Trabzon shahrida Oʻzbekiston fahriy konsulxonasi ochildi. Bursa, Adana, Antaliyadan keyin toʻrtinchisi boʻlgan mazkur fahriy konsulxona Trabzon viloyat hokimligi (valilik) binosi qarshisidagi tarixiy binoda joylashgan.

Turkiya hukumati jamoaviy videochatlar uyushtirishga moʻljallangan Discord platformasini jinoyatlarga aloqadorligi sababli taqiqlashga qaror qildi. Ushbu platformada yoshlar tomonidan bolalar va ayollarga nisbatan kuch ishlatish, tazyiq oʻtkazish va jinsiy zoʻrlashni olqishlash va qoʻllab-quvvatlash holatlari aniqlangan.

Turkiya prezidenti Rajab Toyyib Erdoʻgʻon BRIKS sammitida ishtirok etish uchun Rossiyaning Qozon shahriga ketganida, Anqaraning Qozon tumanida joylashgan TUSAŞ kompaniyasi zavodida qoʻporuvchilik harakati amalga oshirildi. Bu tasodifmi yoki Gʻarbning ogohlantirishi?

Anqaradagi qoʻporuvchilik harakatidan soʻng Turkiyadagi barcha aeroportlarda toʻq sariq rangli ogohlantirish eʻʻlon qilinib, xavfsizlik choralari kuchaytirildi. Oʻzbekistonning Istanbuldagi Bosh konsulxonasi mamlakat fuqarolarini Turkiyada joriy qilingan ehtiyot va xavfsizlik choralariga rioya qilishga chaqirdi.

Bugun – 29 oktyabrʻ kuni Turkiya Respublikasi tashkil etilganining 101 yilligi keng nishonlanmoqda. Mustaqillik va millatning yangidan tiklanish ramzi boʻlgan bu kun Turkiyada xalq bayrami sifatida har yili katta tantanalar bilan oʻtkaziladi. Ushbu bayram munosabati bilan butun turk xalqini samimiy tabriklaymiz.

Turkiyada ayollar huquqi va gender tengligi uchun kurash bahonasida oilada erkaklar mavqeiga zarba berilishi yangi muammolar va nizolarni keltirib chiqarmoqda. Ayniqsa 2011 yil may oyida imzolangan "Istanbul konventsiyasi" oila tanazzulini eng yuqori choʻqqilarga olib chiqdi. Uzoq yillik puxta ishlab chiqilgan reja asosidagi saʻʻy-harakatlar oʻz “mevasi”ni bermay qolmadi – bugun turk jamiyatida turmush qurish va farzand koʻrish yoshlari oshgan, nikohlar soni kamayib, ajralishlar koʻpaygan. Xoʻsh, bunga echim bormi?