Turkiyada Discord taqiqlandi: Jamoatchilik xavotirlari va hukumatning qatʻʻiy choralari

Turkiya hukumati jamoaviy videochatlar uyushtirishga moʻljallangan Discord platformasini jinoyatlarga aloqadorligi sababli taqiqlashga qaror qildi. Ushbu qaror Anqaraning 1-Jinoiy sudi tomonidan qabul qilingan boʻlib, Turkiyaning Axborot texnologiyalari va aloqa boshqarmasi (BTK) tomonidan ijro etildi.

Taqiqlash sabablari asosan platformadagi baʻʻzi guruhlar tomonidan sodir etilgan jinoiy faoliyatlarga bogʻliq. Ushbu faoliyatlar orasida bolalar va ayollarga nisbatan zoʻravonlik, tazyiq va jinsiy zoʻrlash holatlari aniqlangan. Jamoatchilik orasida ayrim guruhlar tomonidan sodir etilgan jinoyatlar, shu jumladan yaqinda 19 yoshli ikki ayolning oʻldirilishiga oid olqishlash va gʻururlanish mazmunidagi postlar tarqalishi ortidan kelib chiqqan norozilik ham platformaning taqiqlanishiga sabab boʻldi. Bundan tashqari, mazkur platformada ikki nafar yosh yigit bolalarga jinsiy tazyiq oʻtkazuvchi guruhlarni boshqarib kelgani haqidagi maʻʻlumotlar ham mavjud.

Turkiya adliya vaziri Yilmaz Tunchning taʻʻkidlashicha, platformadagi zararli kontentlar yoshlar va bolalarning ruhiy sogʻligʻiga xavf soladi. Shuningdek, hukumat jamiyat asoslarini buzishga yoʻl qoʻymaslik va yoshlarni ular zararidan himoya qilish maqsadida ushbu qatʻʻiy choralarni qoʻllamoqda.

Ushbu choralar xalqaro doiralarda ham qizgʻin muhokamalarga sabab boʻldi, chunki sal avval ushbu platformani Rossiya ham ayrim sabablarga koʻra taqiqlagan edi. Turkiyada esa bu vaziyat turli ommaviy axborot vositalari va jamoatchilikda keskin fikrlar uygʻotdi.

Maʻʻlumot uchun, kecha, 8 oktyabrʻ kuni Rossiyada ham Discord bloklandi. Roskomnadzor platformada joylashtirilgan noqonuniy maʻʻlumotlarga kirishni cheklash boʻyicha talablarga rioya etilmaganini sabab qilib keltirdi. Discord joriy yilda Rossiya Federatsiyasida taqiqlangan kontentni olib tashlash talablariga rioya qilmagani uchun ikki marta jarimaga tortilgandi. 

Mavzuga aloqador

Eng ko‘p o‘qilgan

Tavsiya qilingan