Turkiya aeroportlarida xavfsizlik choralari kuchaytirildi
Anqaradagi qoʻporuvchilik harakatidan soʻng Turkiyadagi barcha aeroportlarda toʻq sariq rangli ogohlantirish eʻʻlon qilinib, xavfsizlik choralari kuchaytirildi. Oʻzbekistonning Istanbuldagi Bosh konsulxonasi mamlakat fuqarolarini Turkiyada joriy qilingan ehtiyot va xavfsizlik choralariga rioya qilishga chaqirdi.
Anqaradagi
Turkiya aviatsiya va kosmik sanoati (TUSAŞ) obʻʻektlarida qoʻporuvchilik harakati
sodir etilganidan soʻng mamlakat miqyosida ehtiyot va xavfsizlik choralari
kuchaytirildi. Jumladan, barcha aeroportlarda terakt ehtimoli nazarda tutilgan
holda toʻq sariq rangli ogohlantirish eʻʻlon qilindi.
Oʻzbekistonning
Istanbuldagi Bosh konsulxonasi mamlakat fuqarolarini bir kun avval Anqaradagi
teraktdan soʻng Turkiyada joriy qilingan ehtiyot va xavfsizlik choralariga rioya
qilishga chaqirdi.
Oʻzbekistonliklardan
jamoat joylarida, ayniqsa, aeroportlar, vokzallar, avtovokzallar, kema
stantsiyalari, metro va boshqa jamoat transportlarida hushyorlikni oshirish soʻraldi.
Turkiyadan
chiqib ketayotganlardan roʻyxatdan oʻtish boshlanishidan kamida bir soat oldin
aeroportlarga etib kelish tavsiya etildi. Shubhali buyum yoki shaxslar toʻgʻrisida yaqin
oradagi politsiya yoki xavfsizlikni taʻʻminlash boʻlimlariga (Özel güvenlik) murojaat
qilish lozim.
Mavzuga aloqador
-
Anqaradagi Turkiya Turkiya aviatsiya va kosmik sanoati zavodi (TUSAŞ) kirish qismida portlash sodir boʻldi. Turkiya ichki ishlar vaziri hodisani qoʻporuvchilik harakati deb atab, qurbonlar va yaradorlar borligini maʻʻlum qildi.
-
Turkiya prezidenti Rajab Toyyib Erdoʻgʻon BRIKS sammitida ishtirok etish uchun Rossiyaning Qozon shahriga ketganida, Anqaraning Qozon tumanida joylashgan TUSAŞ kompaniyasi zavodida qoʻporuvchilik harakati amalga oshirildi. Bu tasodifmi yoki Gʻarbning ogohlantirishi?
